Էդգար Սևիկյանը խաղացել է «Պարի ՆՆ»-ի դեմ, «Ակրոնը» հաղթանակ է տարել

«Ակրոն»-ի հարձակվող Էդգար Սևիկյանը մասնակցել է Ռուսաստանի Պրեմիեր լիգայի 12-րդ տուրի հանդիպմանը «Պարի ՆՆ»-ի դեմ։ Խաղը ավարտվել է 1:0 հաշվով՝ Տոլյատտիի թիմի հաղթանակով։ Միակ գոլը 71-րդ րոպեին խփել է Ստեֆան Լոնչարը։

Հաղթանակից հետո «Ակրոնը» բարձրացավ մրցաշարային աղյուսակի 12-րդ հորիզոնականը, մինչդեռ «Պարի ՆՆ»-ը մնաց 15-րդ տեղում։

Սևիկյանը դուրս էր եկել մեկնարկային կազմով և փոխարինվել էր 59-րդ րոպեին։ SofaScore-ի տվյալներով՝ նրա գնահատականը կազմել է 6․8։

Սևիկյանի վիճակագրությունը՝

• Հարվածներ՝ 2

• Ճշգրիտ փոխանցումներ՝ 6 (67%)

• Հաջող դրիբլինգ՝ 1-ը 3-ից

• Գնդակի կորուստներ՝ 11

• Վաստակած ֆաուլեր՝ 3

• Հաղթած մենապայքարներ՝ 4-ը 8-ից

• Գլխային պայքար՝ 1-ը 1-ից

• Ընդհատումներ՝ 1

«Պարի ՆՆ»-ի կազմում 77-րդ րոպեին խաղադաշտ է դուրս եկել Վալերի Ծառուկյանը։ Նա գրանցել է մեկ բանալի փոխանցում և 100% ճշգրտություն։

Հիշեցնենք, որ ավելի վաղ Սևիկյանը վնասվածքի պատճառով լքել էր Հայաստանի հավաքականը և բաց էր թողել 2026 թվականի աշխարհի առաջնության ընտրական խաղերը Հունգարիայի և Իռլանդիայի դեմ։