Ջոն վան'տ Սխիպը մամուլի ասուլիսում Վրաստանի դեմ խաղից առաջ Հայաստանի հավաքականի իրավիճակի մասին

Հայաստանի ազգային հավաքականի գլխավոր մարզիչ Ջոն վան'տ Սխիպը մամուլի ասուլիս անցկացրեց Թբիլիսիում Վրաստանի հավաքականի դեմ պատասխան հանդիպումից առաջ։

«Ուզում եմ հստակություն մտցնել հավաքականի մեկ խաղացողի վերաբերյալ։ Գրանտ-Լեոն Ռանոսը լքել է հավաքականի տեղակայումը։ Նա խոսեց ինձ հետ և առաջ քաշեց պայման՝ կամ նա դուրս է գալիս մեկնարկային կազմում, կամ հեռանում է։ Իմ մարզչական կարիերայի ընթացքում երբեք նման բանի չեմ հանդիպել։ Որ խաղացողը լինի մեկնարկային կազմում, որոշում է մարզիչը, ոչ թե ֆուտբոլիստը։ Ներկա պահին նա Գերմանիայի Երկրորդ Բունդեսլիգայում ընդամենը մի քանի րոպե է խաղացել։ Այդ պատճառով որոշեցի, որ նա չի լինի մեկնարկային կազմում առաջիկա խաղում»,- ասաց Հայաստանի հավաքականի գլխավոր մարզիչը։

«Ես բացատրեցի նրան, որ նա դեռ երիտասարդ է և կստանա իր հնարավորությունը, բացի այդ, ես ծրագրեր ունեի նրա համար վաղվա խաղում։ Սակայն նա ոչինչ չէր ուզում լսել և պահանջում էր լինել մեկնարկային կազմում»,- հավելեց Ջոն վան'տ Սխիպը։

Տակտիկական սխեմայի վերաբերյալ հոլանդացի մասնագետն ասաց հետևյալը.

«Խաղալ 4-3-3 կամ 5-3-2 սխեմայով ինքնանպատակ չէ, պետք է հաշվի առնել մրցակցի ուժը։ Տնային խաղում Վրաստանի դեմ մենք օգտագործեցինք կիսապաշտպան, որը կայուն խաղաժամանակ էր ստանում։ Միշտ պետք է վերլուծել մրցակցի ուժեղ և թույլ կողմերը և այդ հիմքով ընտրել տակտիկան»։

«Մենք հասկանում էինք, որ Վրաստանի հավաքականը շատ լավ թիմ է, բայց, ինչպես տեսաք, անհատական բազմաթիվ սխալներ եղան։ «Հետևանքների» մասին խոսելը չափազանց բարձրաձայն կլինի, մեր խնդիրը թիմային հավասարակշռություն գտնելն է և հնարավորինս լավ պատրաստվելը գալիք հանդիպմանը»։

«Մեզ անհրաժեշտ է նոր խաղացողներ փնտրել ոչ միայն դարպասապահի, այլև մյուս դիրքերի համար, ինչպես նաև ապահովել արդեն առկա ֆուտբոլիստների զարգացումը։ Կարծում եմ, որ հունիսյան հավաքի ընթացքում կփորձենք դիտարկել ավելի շատ թեկնածուների»։

«Մենք ուշադիր հետևում ենք ոչ միայն Նարեկ Գրիգորյանին, այլև բոլոր խաղացողներին հավաքների ժամանակ։ Նարեկը շատ հետաքրքիր ֆուտբոլիստ է, կարող է խաղալ թե՛ աջ եզրում, թե՛ հարձակվողի տակ։ Նա ունի հատուկ որակներ, և, ինչպես արդեն ասել եմ, առաջիկա խաղերում կփորձենք հնարավորինս շատ երիտասարդների հնարավորություն տալ»։

«Ես շատ լավ հասկանում եմ, որ սա աշխատանքի մի մասն է։ Հունաստանում ես նմանատիպ իրավիճակի բախվել եմ, երբ արդյունքը վճռորոշ էր։ Կարծում եմ՝ դուք նույնպես տեսնում եք, որ այս թիմին ժամանակ է պետք առաջընթացի համար։ Եթե հիշենք իմ փորձը Հունաստանում, կտեսնենք, որ նրանց հավաքականի հիմնական կորիզը հիմա կազմում են այն նույն խաղացողները, որոնց մենք այն ժամանակ կառուցեցինք թիմի մեջ»։