Ջեք Դելլա Մադդալենան՝ UFC-ի նոր կիսամիջին քաշային չեմպիոնը

Ավստրալացի մարտիկ Ջեք Դելլա Մադդալենան (18-2) դարձել է UFC-ի նոր չեմպիոնը կիսամիջին քաշային կարգում՝ միաձայն մրցավարական որոշմամբ հաղթելով գործող չեմպիոն Բելալ Մուհամմադին (24-4) UFC 315 մրցաշարի գլխավոր մենամարտում, որը տեղի ունեցավ մայիսի 11-ին, Մոնրեալում (Կանադա):

Մենամարտը տևեց բոլոր հինգ ռաունդները, և բոլոր երեք մրցավարներն էլ հաղթանակը տվեցին Մադդալենային՝ 48-47 միավորով: Սա նրա կարիերայի ամենամեծ հաղթանակն էր, որը նրան բերեց չեմպիոնական տիտղոս:

Բելալ Մուհամմադի պարտությունը կարող է խոշոր տեղաշարժերի պատճառ դառնալ քաշային կարգերում. նրա մտերիմ ընկերը՝ թեթև քաշային կարգի UFC չեմպիոն Իսլամ Մախաչևը, հնարավոր է՝ տեղափոխվի կիսամիջին քաշ՝ Մադդալենայի դեմ մենամարտելու համար։ Թեթև քաշային կարգում տիտղոսի համար հավանաբար կմրցեն Իլիա Տոպուրիան և Չարլզ Օլիվեյրան:

UFC 315 մրցաշարի արդյունքները՝ Մոնրեալում

Գլխավոր մենամարտ
– Ջեք Դելլա Մադդալենան հաղթեց Բելալ Մուհամմադին՝ միաձայն որոշմամբ (48-47, 48-47, 49-46)

Երկրորդ գլխավոր մենամարտ
– Վալենտինա Շևչենկոն հաղթեց Մանոն Ֆյորոյին՝ միաձայն որոշմամբ (48-47, 48-47, 48-47)

Մնացած մենամարտերը
– Այման Զահաբին հաղթեց Ժոզե Ալդոյին՝ միաձայն որոշմամբ (29-28, 29-28, 29-28)
– Նատալիա Սիլվան հաղթեց Ալեքսա Գրասոյին՝ միաձայն որոշմամբ (30-27, 30-27, 30-27)
– Բենուա Սեն Դենին հաղթեց Քայլ Պրեպոլեկին՝ հանձնմամբ (ձեռքերի եռանկյուն խեղդում), 2:35, 2-րդ ռաունդ
– Մայք Մալոթը հաղթեց Չարլզ Ռադքին՝ նոկաուտով (հարվածներ), 0:26, 2-րդ ռաունդ
– Ժասմին Ժասուդավիչյուսը հաղթեց Ջեսիկա Անդրադեին՝ հանձնմամբ (պարանոցի խեղդում), 2:40, 1-ին ռաունդ
– Մոդեստաս Բուկաուսկասը հաղթեց Իոն Կուտելաբային՝ բաժանված որոշմամբ (30-27, 29-28 դեմ 30-27)
– Նավախո Սթերլինգը հաղթեց Իվան Էրսլանին՝ միաձայն որոշմամբ (29-28, 29-28, 29-27)
– Մարկ-Անդրե Բարիոն հաղթեց Բրունո Սիլվային՝ նոկաուտով (արմունկի հարված), 1:27, 1-ին ռաունդ
– Դանիել Սանտոսը հաղթեց ՋոնՅոն Լիին՝ միաձայն որոշմամբ (30-27, 30-27, 30-27)
– Բեկզատ Ալմախանը հաղթեց Բրեդ Քաթոնային՝ նոկաուտով (ապպերկոտ), 1:04, 1-ին ռաունդ