Ջեյք Բաբյանը տարավ ամենաարագ հաղթանակը LXF-ի պատմության մեջ՝ նокаուտ՝ 6 վայրկյանում (VIDEO)

Հայկական արմատներ ունեցող MMA մենամարտիկ Ջեյք Բաբյանը (5-1) տպավորիչ հաղթանակ տարավ մայիսի 11-ին Կալիֆորնիայի Լոնգ Բիչ քաղաքում կայացած LXF 24 մրցաշարում։ Նրա մրցակիցը Մարկուս Ուոլսթոնն էր (2-4) ԱՄՆ-ից, և մենամարտն ավարտվեց ընդամենը 6 վայրկյանում՝ դառնալով LXF լիգայի պատմության մեջ ամենաարագ հաղթանակը։

Գոնգի հնչելուց անմիջապես հետո Բաբյանը ակտիվ հարձակում սկսեց, արագ գցեց մրցակցին գետին և անցավ հարվածների, ինչի արդյունքում մրցավարն ընդհատեց մենամարտը։

ՏԵՍԱՆՅՈՒԹԸ՝

27-ամյա Ջեյք Բաբյանը պրոֆեսիոնալ MMA-ում է 2023 թվականից։ Դեբյուտային մենամարտում նա պարտվել էր, սակայն դրանից հետո տարավ հինգ անընդմեջ հաղթանակ, որոնցից չորսը՝ նախքան վերջնաժամը։

Բաբյանը բնակվում է Հավայներում և ունի հայկական արմատներ հորական կողմից։ Նրա պապը՝ հայ, ապրել է Իտալիայում, ապա տեղափոխվել ԱՄՆ։ Ջեյքը ջերմությամբ է հիշում պապին և մենամարտերին ելնում է հայկական դրոշով։ Ապագայում նա երազում է UFC-ում ներկայացնել Հայաստանը։

Մինչ MMA տեղափոխվելը Ջեյքը հաջողությամբ հանդես էր գալիս բրազիլական ջիու-ջիթսուի և գրեփլինգի մրցաշարերում։