Սպերցյանի դուբլը և գոլային փոխանցումը «Կրիլյա Սովетов»-ի դեմ (ՎԻԴԵՈ)

Հայաստանի ազգային հավաքականի և «Կրասնոդարի» կիսապաշտպան ու կապիտան Էդուարդ Սպերցյանը շարունակում է անհավանական ցուցանիշներ գրանցել 2025/26 մրցաշրջանում։

ՌՊԼ-ի 17-րդ տուրում «Կրասնոդար»-ը 5:0 հաշվով ջախջախեց «Կրիլյա Սովетов»-ին և ամրապնդեց իր դիրքերը մրցաշարային աղյուսակի առաջին հորիզոնականում։ Էդուարդ Սպերցյանը այս հանդիպմանը դարձավ դուբլի հեղինակ (մեկ գոլը՝ 11 մ penalty-ից) և մեկ գոլային փոխանցման՝ Թորմենին։ Գոլերով աչքի ընկան նաև Դուգլաս Աուգուստոն և Ջոն Կորդոբան։ Վերջինս դարձավ «Կրասնոդարի» ռեկորդակիրն ըստ խփած գնդակների քանակի՝ այս գոլը նրա համար դարձավ 69-րդը «ցուլերի» կազմում։ Նա առաջ անցավ Ֆյոդոր Սմոլովից (68 գոլ)։

Սպերցյանը փայլեց ոչ միայն հարձակման ավարտ փուլում, այլև ստեղծարար խաղում։ SofaScore վիճակագրական հարթակը հայ կիսապաշտպանին տվել է առավելագույն գնահատական՝ 10։ Սակայն հանդիպման պաշտոնական լավագույն խաղացող ճանաչվել է Ջոն Կորդոբան։

Սպերցյանի վիճակագրությունը խաղում․
Խաղադաշտում անցկացրած րոպեներ՝ 90+
Գոլեր՝ 2
Հարվածներ՝ 4 (2՝ դիպուկ)
Գոլային փոխանցումներ՝ 1
Ստեղծված գոլային պահեր՝ 1
Բանալի փոխանցումներ՝ 7
Կենտրոնացումներ՝ 5 / 10
Ճշգրիտ փոխանցումներ՝ 55 (87%), որոնցից 43՝ հակառակորդի կիսադաշտում
Հաջողված դրիբլինգ՝ 1 / 1
Գնդակի կորուստներ՝ 16
Մենապայքերում հաղթանակներ՝ 2 / 2
Օդային մենապայքերում հաղթանակներ՝ 1 / 1
SofaScore գնահատական՝ 10

Այժմ Սպերցյանը ունի 8 գոլ և 12 գոլային փոխանցում մրցաշրջանում՝ 20 արդյունավետ գործողություն 17 խաղում, այսինքն ավելի շատ, քան անցկացրած հանդիպումները։

ՎԻԴԵՈ․