Դավիթ Մգոյանը կմասնակցի Tuff-N-Uff 151 մրցաշարին Լաս Վեգասում
- Հեղինակ: Vahe Hakobyan
- Sportaran
Հայ և եզդի խառը մենամարտերի մարզիկ Դավիթ Մգոյանը (7-1) իր հաջորդ մենամարտը կանցկացնի հունվարի 22-ին Լաս Վեգասում՝ Tuff-N-Uff 151 մրցաշարի շրջանակում։ Նրա մրցակիցը կլինի Չիլիի ներկայացուցիչ Պաբլո Բուրգոսը՝ 5-3 հաշվեկշռով։
21-ամյա Մգոյանի համար այս մենամարտը կլինի երրորդը Tuff-N-Uff կազմակերպությունում և արդեն վեցերորդ ելույթը ԱՄՆ-ում։ Ավելի վաղ Դավիթը հնարավորություն ուներ դուրս գալու UFC՝ Dana White’s Contender Series շոուի միջոցով, սակայն շատ մրցակցային և հավասար մենամարտում նա պարտվեց Թոմի ՄաքՄիլլանին՝ կրելով իր առաջին պարտությունը պրոֆեսիոնալ կարիերայում։
Դրանից հետո Մգոյանը ժամանակավորապես փոխեց մրցումների ձևաչափը և Մոսկվայում անցկացրեց ջիու-ջիցուի գոտեմարտ։ Առաջիկա մենամարտը Բուրգոսի դեմ կլինի նրա առաջին վերադարձը ՄՄԱ այդ պարտությունից հետո և կարևոր փուլ՝ ամերիկյան ասպարեզում կարիերան շարունակելու ճանապարհին։
Քննարկեք նորությունները!
Անցնել մեկնաբանություններին ↓
Comments
0