Դավիթ Մարգարյանը բրոնզե մեդալ նվաճեց ազատ ոճի ըմբշամարտի Մ23 Եվրոպայի առաջնությունում
- Հեղինակ: Vahe Hakobyan
- Sportaran
Հայաստանի ազատ ոճի ըմբիշ Դավիթ Մարգարյանը (70 կգ) դարձել է Մ23 Եվրոպայի առաջնության բրոնզե մեդալակիր։ Առաջնությունը անցկացվում է Սերբիայի Զրենյանին քաղաքում։
Մարգարյանը մրցաշարը սկսել է Ռուսաստանի ներկայացուցիչ Էմի Էլթեմիրովին պարտությամբ։ Քանի որ Էլթեմիրովը դուրս է եկել եզրափակիչ, հայ ըմբիշը հնարավորություն է ստացել շարունակելու պայքարը մեդալի համար՝ սփոփիչ գոտում։
Սփոփիչ փուլում Դավիթը վստահ հաղթել է իտալացի Դանիելե Գուբբիոտտիին՝ 11:4 հաշվով, իսկ բրոնզե մեդալի համար գոտեմարտում առավելության է հասել գերմանացի Մարսել Վագինի նկատմամբ՝ 5:2։
Դավիթ Մարգարյանի համար սա առաջին մեդալն է երիտասարդական տարիքային խմբի Եվրոպայի առաջնություններում։
Այս մեդալը երկրորդն է Հայաստանի հավաքականի համար Զրենյանինում անցկացվող Մ23 Եվրոպայի առաջնությունում։ Ավելի վաղ բրոնզե մեդալ էր նվաճել Արման Հարությունյանը (57 կգ)։ Բացի այդ, վաղը եզրափակիչում ոսկե մեդալի համար կպայքարի Լևիկ Միքայելյանը (61 կգ)։
Քննարկեք նորությունները!
Անցնել մեկնաբանություններին ↓
Comments
0