Դավիթ Դավթյանը կդառնա Վոլգոգրադի «Ռոտորի» ֆուտբոլիստը
- Հեղինակ: Vahe Hakobyan
- Sportaran
Հայաստանի ազգային հավաքականի կիսապաշտպան Դավիթ Դավթյանը կարիերան կշարունակի Վոլգոգրադի «Ռոտոր» ակումբում։ Այս մասին հայտնում է ինսայդեր Սուրեն Մելիքսեթյանը։
27-ամյա ֆուտբոլիստը այս ամռանը լքեց Երևանի «Փյունիկը» ազատ գործակալի կարգավիճակով՝ ակումբում երեք մրցաշրջան անցկացնելուց հետո։ «Փյունիկի» կազմում Դավթյանը դարձավ Հայաստանի չեմպիոն և իր նորամուտը նշեց ազգային հավաքականում, որի կազմում անցկացրել է երեք հանդիպում։
Դավթյանի հիմնական դիրքը աջ վինգերն է, սակայն նա կարող է խաղալ նաև աջ պաշտպան։
Նշենք, որ Դավթյանը նախկինում արդեն խաղացել է Ռուսաստանում՝ ներկայացնելով Պրեմիեր լիգայի «Խիմկին» և ՖՆԼ-2-ի «Նոստան» ու «Արարատ-Մոսկվան»։
Հավելենք, որ ավելի վաղ «Ռոտորին» էր միացել նաև հայաստանյան ֆուտբոլի մեկ այլ ներկայացուցիչ՝ Արտյոմ Սիմոնյանը։ 2025/26 մրցաշրջանում վոլգոգրադյան թիմը հանդես կգա Առաջին լիգայում։
Քննարկեք նորությունները!
Անցնել մեկնաբանություններին ↓
Comments
0