Դանա Ուայթը հայտարարել է Սպիտակ տանը կայանալիք UFC մրցաշարի քարտը
- Հեղինակ: Vahe Hakobyan
- Sportaran
UFC-ի նախագահ Դանա Ուայթը UFC 326 մրցաշարի ընթացքում պաշտոնապես ներկայացրել է եզակի մրցաշարի քարտը, որը կկայանա հունիսի 14-ին Վաշինգտոնում՝ Սպիտակ տան մարգագետնում։
Երեկոյի գլխավոր իրադարձությունը կլինի UFC-ի թեթև քաշային կարգի չեմպիոնական մենամարտը, որտեղ գործող չեմպիոն Իլիա Տոպուրիան կպաշտպանի իր գոտին դիվիզիոնի ամենադիտարժան մարտիկներից մեկի՝ Ջասթին Գեյջիի դեմ։
Մրցաշարի շրջանակում պատմական մենամարտ է սպասվում նաև Ալեքս Պերեյրայի համար։ Բրազիլացին առաջին անգամ կմենամարտի ծանր քաշային կարգում և անմիջապես կպայքարի UFC-ի ժամանակավոր չեմպիոնական գոտու համար։ Նրա մրցակիցը կլինի նախկին տիտղոսի հավակնորդ Սիրիլ Գանը։ Ավելի վաղ Պերեյրան հրաժարվել էր կիսածանր քաշային կարգի չեմպիոնական գոտուց՝ փորձելով նվաճել չեմպիոնությունը արդեն երրորդ քաշային կարգում։
Քարտի մյուս մենամարտերը տիտղոսային չեն լինելու։ Ընդհանուր առմամբ կկայանա 6 մենամարտ։
UFC մրցաշարի քարտը Սպիտակ տանը (հունիսի 14)
Իլիա Տոպուրիա vs Ջասթին Գեյջի — UFC թեթև քաշային կարգի չեմպիոնական մենամարտ
Ալեքս Պերեյրա vs Սիրիլ Գան — UFC ծանր քաշային կարգի ժամանակավոր չեմպիոնական մենամարտ
Շոն Օ’Մելլի vs Այեման Զահաբի
Մաուրիսիո Ռուֆի vs Մայքլ Չենդլեր
Բո Նիքալ vs Քայլ Դաուկաուս
Դիեգո Լոպես vs Ստիվ Գարսիա
Քննարկեք նորությունները!
Անցնել մեկնաբանություններին ↓
Comments
0