«Ցրվենա Զվեզդան» պարտվեց «Պաֆոսին» Չեմպիոնների լիգայի փլեյ-օֆֆի առաջին խաղում

Բելգրադի «Ցրվենա Զվեզդան» պարտություն կրեց Չեմպիոնների լիգայի փլեյ-օֆֆի առաջին խաղում՝ 1:2 հաշվով զիջելով Կիպրոսի «Պաֆոսին»։ Հանդիպումը կայացավ Սերբիայի մայրաքաղաքում։

Հայ պաշտպան Նաիր Տիկնիզյանը խաղադաշտում անցկացրեց բոլոր 90 րոպեն ու SofaScore-ից ստացավ 6,8 գնահատական։ Նրա վիճակագրությունը հետևյալն է․

• 4 խլում,

• 1 միջանցք,

• 2 բանալի փոխանցում,

• 7-ից 5 հաղթած մենամարտ,

• 1 հաջող դրիբլինգ,

• 84 % ճշգրիտ փոխանցումներ։

Օրվա մյուս խաղերում․

• «Ֆերենցվարոշ» — «Ղարաբաղ» 1:3 (Էդգար Սևիկյանը հայտավորված չէր Չեմպիոնների լիգայի համար),

• «Ռեյնջերս» — «Բրյուգե» 1:3։

Փլեյ-օֆֆի պատասխան հանդիպումները կկայանան օգոստոսի 26-ին և 27-ին։