«Ցրվենա Զվեզդան» ջախջախեց «Նապրեդակին», Տիկնիզյանը խաղաց 65 րոպե
- Հեղինակ: Vahe Hakobyan
- Sportaran
«Ցրվենա Զվեզդան» վստահ հաղթանակ տարավ «Նապրեդակի» նկատմամբ Սերբիայի առաջնության 26-րդ տուրի խաղում։ Հանդիպումն ավարտվեց ջախջախիչ հաշվով՝ 4:0։
Դեյան Ստանկովիչի թիմը շարունակում է վստահորեն գլխավորել Սերբիայի Սուպերլիգայի մրցաշարային աղյուսակը։ Այս հաղթանակից հետո բելգրադյան ակումբը իր հիմնական հետապնդողից՝ «Պարտիզանից», առաջ է անցնում 10 միավորով։
Հայաստանի ազգային հավաքականի պաշտպան Նաիր Տիկնիզյանը խաղադաշտ դուրս եկավ մեկնարկային կազմում և անցկացրեց 65 րոպե։ Խաղից հետո SofaScore վիճակագրական հարթակը նրա խաղը գնահատեց 6.5 միավորով։
Տիկնիզյանը ակտիվ էր ինչպես պաշտպանությունում, այնպես էլ հարձակման ժամանակ։ Դրվագներից մեկում նրա կատարած փոխանցումից հետո վտանգավոր պահ ստեղծվեց Ալեքսանդր Կատայի մոտ, որը կարող էր հաշիվը դարձնել 5:0։
Հայ պաշտպանն մասնակցեց նաև մեկ այլ սուր դրվագի։ Նրա հետ փոխանցումից հետո «Ցրվենա Զվեզդայի» դարպասապահը ստիպված էր ձեռքով խաղալ, ինչի հետևանքով նշանակվեց ազատ հարված տուգանային հրապարակում։ Սակայն «Նապրեդակի» ֆուտբոլիստները չկարողացան օգտվել այդ հնարավորությունից։
Նշենք, որ այս խաղից առաջ Տիկնիզյանը արդեն աչքի էր ընկել արդյունավետ գործողությամբ․ պաշտպանը իր առաջին գոլն էր խփել «Ցրվենա Զվեզդայի» կազմում Սերբիայի գավաթի խաղում։
Քննարկեք նորությունները!
Անցնել մեկնաբանություններին ↓
Comments
0