«Ցրվենա Զվեզդա»-ն սկսել է նախապատրաստությունը մրցաշրջանի երկրորդ հատվածին և Եվրոպայի լիգայի խաղերին

«Ցրվենա Զվեզդա»-ի ֆուտբոլիստները վերադարձել են ձմեռային արձակուրդից և սկսել մարզումները։ Արդեն հունվարի 4-ին թիմը կմեկնի ուսումնամարզական հավաքի Թուրքիա, որտեղ կպատրաստվի մինչև հունվարի 15-ը։ Նախապատրաստության հիմնական շեշտադրումը կդրվի Եվրոպայի լիգայի առաջիկա հանդիպումների վրա։

Նոր տարվա առաջին պաշտոնական հանդիպումը Սերբիայի չեմպիոնները կանցկացնեն հունվարի 22-ին․ «Ցրվենա Զվեզդա»-ն արտագնա խաղում կմրցի շվեդական «Մալմյոյի» դեմ։ Ընդհանուր փուլի եզրափակիչ հանդիպումը կկայանա հունվարի 29-ին Բելգրադում, որտեղ սերբական ակումբը կընդունի իսպանական «Սելտային»։

Վեց տուրից հետո «Ցրվենա Զվեզդա»-ն զբաղեցնում է Եվրոպայի լիգայի մրցաշարային աղյուսակի 17-րդ հորիզոնականը և պահպանում է փլեյ-օֆֆ դուրս գալու իրական հնարավորությունները։ Առաջիկա հանդիպումները վճռորոշ կլինեն եվրոպական մրցաշրջանը շարունակելու պայքարում։

Հայաստանի ազգային հավաքականի պաշտպան Նաիր Տիկնիզյանը նույնպես սկսել է մարզումները թիմի հետ միասին։