Ցրվենա Զվեզդան նվազագույն հաշվով հաղթեց Մալմյո-ին և բարձրացավ Եվրոպայի լիգայի լավագույն տասնյակ

«Ցրվենա Զվեզդա»-ն արտագնա հաղթանակ տարավ «Մալմյո»-ի նկատմամբ Եվրոպայի լիգայի 7-րդ տուրի շրջանակում։ Հանդիպումը, որը կայացավ հունվարի 22-ին Շվեդիայում, ավարտվեց Սերբիայի չեմպիոնների 1:0 հաշվով հաղթանակով։

Խաղի միակ գոլը գրանցվեց արդեն 16-րդ րոպեին․ կիսապաշտպան Վասիլիե Կոստովը դիպուկ հարվածեց Մարկո Առնաուտովիչի փոխանցումից հետո։

Հյուրերի կազմում ամբողջ հանդիպումը անցկացրեց Հայաստանի ազգային հավաքականի պաշտպան Նաիր Տիկնիզյան-ը, որը վստահ խաղ ցուցադրեց ինչպես պաշտպանությունում, այնպես էլ հարձակմանը միանալու ժամանակ։

Տիկնիզյանի վիճակագրությունը խաղում․

• Խաղացած րոպեներ՝ 90+
• Ճշգրիտ փոխանցումներ՝ 32 (82%)
• Կենտրոնացումներ՝ 1՝ 5-ից
• Վաստակած ֆոլեր՝ 2
• Գնդակի կորուստներ՝ 17
• Գնդակի խլումներ՝ 3
• Մաքրումներ՝ 2
• Գնդակի վերադարձներ՝ 4
• Հաղթած մենամարտեր՝ 2՝ 3-ից
• Կատարած ֆոլեր՝ 0
• SofaScore գնահատական՝ 6.9

Այս հաղթանակի շնորհիվ «Ցրվենա Զվեզդա»-ն բարձրացավ մրցաշարի ընդհանուր աղյուսակի 9-րդ հորիզոնական։ Եզրափակիչ տուրում բելգրադյան ակումբը կհանդիպի իսպանական Սելտա-ին։ Հաղթանակի դեպքում սերբական թիմը կպահպանի Եվրոպայի լիգայի 1/8 եզրափակիչ ուղիղ դուրս գալու հնարավորությունը։