Հունահռոմեական ոճի ըմբշամարտի Եվրոպայի մինչև 23 տարեկանների առաջնություն. Առաջին օրվա արդյունքները

Մարտի 12-ին Տիրանայում մեկնարկեց 2025 թվականի մինչև 23 տարեկանների (U23) Եվրոպայի առաջնությունը հունահռոմեական ըմբշամարտում։ Մրցումների առաջին օրը որոշվեցին հինգ քաշային կարգերի եզրափակիչ զույգերը՝ 55 կգ, 63 կգ, 77 կգ, 87 կգ և 130 կգ։

Հայաստանի հավաքականի ըմբիշներից ոչ ոք չկարողացավ դուրս գալ եզրափակիչ, սակայն չորս մարզիկ ստացան հնարավորության պայքարելու բրոնզե մեդալների համար մխիթարական գոտեմարտերի միջոցով․

• Արայիկ Թոփալյան (55 կգ)
• Դավիթ Ջոտյան (63 կգ)
• Վիգեն Նազարյան (87 կգ)
• Ռազմիկ Կուրդյան (130 կգ)

Եվրոպայի Մ23 հունահռոմեական ըմբշամարտի առաջնության առաջին օրվա եզրափակիչ զույգերը․

• 55 կգ: Կոբա Կարումիձե (Վրաստան) — Ալիբեկ Ամիրով (Ռուսաստան)
• 63 կգ: Զիա Բաբաշով (Ադրբեջան) — Վիտալիե Երեմենկո (Մոլդովա)
• 77 կգ: Եվգենի Բայդուսով (Ռուսաստան) — Աարոն Բելշայդտ (Գերմանիա)
• 87 կգ: Վլադիմիր Կարչաիձե (Ֆրանսիա) — Ալփերեն Բերբեր (Թուրքիա)
• 130 կգ: Մագոմեդ Ալիչուև (Ռուսաստան) — Միխայլո Վիշնևեցկի (Ուկրաինա)

Այսպիսով, վաղը Հայաստանի հավաքականի կազմում հանդես կգան 9 ըմբիշներ․ չորսը՝ մխիթարական գոտեմարտերում, հինգը՝ մրցաշարի մեկնարկում․

• 60 կգ: Սուրեն Աղաջանյան
• 67 կգ: Ռուբեն Միրանյան
• 72 կգ: Աշոտ Խաչատրյան
• 82 կգ: Էրիկ Տեր-Մաթևոսյան
• 97 կգ: Հարություն Կիրակոսյան