Ծանրամարտի Եվրոպայի 2025 թվականի առաջնություն. առաջին օրվա արդյունքները

Ապրիլի 13-ին Մոլդովայի մայրաքաղաք Քիշնևում մեկնարկեց ծանրամարտի Եվրոպայի 2025 թվականի առաջնությունը։ Մրցաշարի առաջին օրը մրցանակները խաղարկվեցին կանանց երկու քաշային կարգերում՝ մինչև 45 կգ և մինչև 49 կգ։

Նշենք, որ առաջին մրցումային օրը Հայաստանի ներկայացուցիչները մասնակցություն չեն ունեցել։

Եվրոպայի չեմպիոնուհի դարձան Թուրքիան ներկայացնող Ջանսու Բեքթաշը, ով արդեն երրորդ անգամ նվաճեց ոսկե մեդալ մայրցամաքային առաջնությունում, և Ռումինիայի ներկայացուցիչ Միխեյլա Կամբեյը, ով դարձավ Եվրոպայի կրկնակի չեմպիոն։

Եվրոպայի 2025 թվականի առաջնության առաջին օրվա արդյունքները՝

Կանայք, մինչև 45 կգ
Պոկում
Մարտա Գարսիա (Իսպանիա) — 77 կգ
Ջանսու Բեքթաշ (Թուրքիա) — 76 կգ
Իոանա Միրոն (Ռումինիա) — 69 կգ

Հրում
Գամզե Ալթուն (Թուրքիա) — 93 կգ
Ջանսու Բեքթաշ (Թուրքիա) — 90 կգ
Մարտա Գարսիա (Իսպանիա) — 87 կգ

Երկամարտ
Ջանսու Բեքթաշ (Թուրքիա) — 166 կգ
Մարտա Գարսիա (Իսպանիա) — 164 կգ
Գամզե Ալթուն (Թուրքիա) — 161 կգ

Կանայք, մինչև 49 կգ
Պոկում
Միխեյլա Կամբեյ (Ռումինիա) — 85 կգ
Լուսիա Գոնսալես (Իսպանիա) — 77 կգ
Ադրիանա Պանա (Ռումինիա) — 76 կգ

Հրում
Միխեյլա Կամբեյ (Ռումինիա) — 105 կգ
Լուսիա Գոնսալես (Իսպանիա) — 96 կգ
Ռադմիլա Զագորաց (Սերբիա) — 95 կգ

Երկամարտ
Միխեյլա Կամբեյ (Ռումինիա) — 190 կգ
Լուսիա Գոնսալես (Իսպանիա) — 173 կգ
Ռադմիլա Զագորաց (Սերբիա) — 169 կգ

Ապրիլի 14-ին մեդալները կխաղարկվեն տղամարդկանց երկու քաշային կարգերում՝ մինչև 55 կգ և մինչև 61 կգ, ինչպես նաև կանանց 55 կգ քաշային կարգում։ Հայաստանի հավաքականի կազմում ելույթ կունենան Ալեքսանդրա Գրիգորյանը (55 կգ) և Գառնիկ Չոլակյանը (61 կգ)։