Եվրոպայի չեմպիոն Համլետ Մանուկյան. «Իմ նպատակը Օլիմպիական ոսկին է»
- Հեղինակ: Vahe Hakobyan
- Sportaran
Հայաստանի մարմնամարզիկ Համլետ Մանուկյանը սպորտային մարմնամարզության մեծահասակների Եվրոպայի առաջնությունում ոսկե մեդալ է նվաճել նժույգի վրա վարժությունում։ 17-ամյա մարզիկի համար սա առաջին մասնակցությունն էր նման մրցաշարում։
Մանուկյանը վստահ ելույթով գերազանցեց բոլոր մրցակիցներին և գրավեց առաջին տեղը։ Նույն վարժությունում արծաթե մեդալին արժանացավ նրա հայրենակիցը՝ 18-ամյա Մամիկոն Խաչատրյանը՝ Հայաստանի հավաքականին ապահովելով կրկնակի հաջողություն։
Պարգևատրման արարողությունից հետո Համլետը կիսվեց իր զգացողություններով.
«Շատ ուրախ եմ և հպարտ, որ իմ պատվին հնչեց հայրենիքիս օրհներգը։ Իմ նպատակը աշխարհի և Օլիմպիական խաղերի չեմպիոն դառնալն է։ Շատ դժվար էր այստեղ հաղթելը։ Մրցաշարից առաջ մենք կատարել ենք մեծ ու ծանր աշխատանք։ Շնորհակալ եմ բոլոր իմ մարզիչներին ու ընկերներին։ Շատ երջանիկ եմ, որ արդեն իմ առաջին Եվրոպայի առաջնությունում կարողացա նվաճել ոսկի»։
Քննարկեք նորությունները!
Անցնել մեկնաբանություններին ↓
Comments
0