Բրիասկո Բալեկյանը վերադարձել է «Բոկա Խունիորս», սակայն չի մտնում ակումբի ծրագրերի մեջ
- Հեղինակ: Vahe Hakobyan
- Sportaran
Հայ հարձակվող Նորբերտո Բրիասկո Բալեկյանը վերադարձել է «Բոկա Խունիորս»՝ «Խիմնասիա և Էսգրիմա Լա Պլատա» ակումբում իր վարձակալության ժամկետի ավարտից հետո։
29-ամյա ֆուտբոլիստը վարձակալությամբ հանդես է եկել մեկուկես տարի։ Այդ ընթացքում նա մասնակցել է բոլոր մրցաշարերում անցկացված 30 հանդիպման և դարձել մեկ գոլի հեղինակ։
Բալեկյանի պայմանագիրը «Բոկա Խունիորս»-ի հետ գործում է մինչև 2026 թվականի ավարտը, սակայն նրա ապագան ակումբում մնում է անորոշ։ Ինչպես հայտնում են արգենտինական լրատվամիջոցները, հայ ֆուտբոլիստը, ինչպես նաև վարձակալությունից վերադարձած ևս 19 խաղացողներ, մարզվում են հիմնական կազմից առանձին։
«Բոկա Խունիորս»-ի ղեկավարությունը առաջիկա մրցաշրջանում չի նախատեսում օգտագործել այդ խաղացողներին և մտադիր է նրանց համար փնտրել կարիերայի շարունակման տարբերակներ՝ ինչպես նոր տրանսֆերի, այնպես էլ հերթական վարձակալության միջոցով։
Քննարկեք նորությունները!
Անցնել մեկնաբանություններին ↓
Comments
0