Բրազիլացի պաշտպան Ժունինյոն հեռանում է «Փյունիկից»
- Հեղինակ: Vahe Hakobyan
- Sportaran
Երևանի «Փյունիկը» պաշտոնապես հայտարարել է բրազիլացի պաշտպան Ժունինյոյի հեռանալու մասին։ 30-ամյա ֆուտբոլիստը հանդես էր գալիս ակումբի կազմում 2021 թվականի հուլիսից և այդ ընթացքում անցկացրել է 122 խաղ՝ խփելով 9 գոլ և կատարելով 9 արդյունավետ փոխանցում։
«Փյունիկի» հետ Ժունինյոն երկու անգամ դարձել է Հայաստանի չեմպիոն՝ 2021/22 և 2023/24 մրցաշրջաններում։ Ակումբի երկրպագուները երկար կհիշեն նրա տպավորիչ գոլերը եվրոպական մրցաշարերում, այդ թվում՝ խփած գոլը Լյուքսեմբուրգի «Դյուդելանժի» դարպասը Չեմպիոնների լիգայի 2022 թվականի երկրորդ որակավորման փուլի ընթացքում և ճշգրիտ հարվածը Կոնֆերենցիաների լիգայի խմբային փուլում Լիտվայի «Ժալգիրիսի» դեմ հանդիպմանը։
«Փյունիկի» ղեկավարությունն ու երկրպագուները շնորհակալություն են հայտնել բրազիլացուն ակումբին ցուցաբերած հավատարմության համար և մաղթել հաջողություններ հետագա կարիերայում։
Քննարկեք նորությունները!
Անցնել մեկնաբանություններին ↓
Comments
0