MMA-ի մարտիկ Դավիթ Մգոյանը հերոս Քյարամ Սլոյանի բարեկամն է

MMA-ի մարտիկ Դավիթ Մգոյանը Armenia MMA ալիքին տված հարցազրույցում հայտնել է, որ Հայաստանի հերոս Քյարամ Սլոյանը իր բարեկամն է։ Դավիթը ծնվել է Ռոստով-ոն-Դոնում, սակայն ազգությամբ եզդի է, իսկ նրա հարազատները՝ Հայաստանից։

«Իմ համար Հայաստանը ինչպես իմ տունն է, այնտեղ են մեծացել իմ ծնողները, ես այնտեղ ինձ զգում եմ ինչպես իմ տանը։ Ես տարբերություն չեմ դնում հայերի և եզդիների միջև, մենք եղբայրներ ենք, պետք է աջակցենք միմյանց, պետք է լինենք ավելի միասնական։ Ահա իմ բարեկամը՝ Քյարամ Սլոյանը, ընկավ որպես զինվոր, նա իմ հորեղբոր թոռն է, Հայաստանի հերոս է, զոհվեց՝ արժանապատվորեն պաշտպանելով իր հայրենիքը», — ասել է Դավիթ Մգոյանը։

Քյարամ Սլոյանը զինվորական էր, ով հետմահու արժանացել է Արցախի հերոսի կոչմանը։ Նա զոհվել է 2016 թվականի ապրիլի 2-ին՝ Ապրիլյան պատերազմի ընթացքում՝ 19 տարեկան հասակում։ Զոհվելուց հետո ադրբեջանցի զինվորականները գլխատել են նրան։ Քյարամը պաշտպանում էր նույն դիրքը, որտեղ իր հասակակից Ռոբերտ Աբաջյանը՝ Արցախի մեկ այլ հերոս, որը նույն առավոտյան զոհվեց՝ նետելով նռնակ թշնամու վրա։

Armenia MMA-ի տեղեկություններով՝ Դավիթ Մգոյանը (6-0) իր հաջորդ մենամարտը կանցկացնի մայիսի 23-ին՝ Ռոբերտո Էրնանդեսի (9-3) դեմ Tuff-N-Uff 144 մրցաշարի շրջանակում՝ Սան Դիեգոյում, ԱՄՆ։

Հաղթանակի դեպքում Դավիթին խոստացել են առաջարկել մենամարտ Dana White's Contender Series (DWCS) ծրագրում, որտեղ, տպավորիչ հաղթանակի դեպքում, նա կարող է պայմանագիր ստանալ UFC-ի հետ։