Բիչախչյանը, Սերոբյանը և Հարությունյանը հանդես եկան եվրագավաթներում

Հուլիսի 24-ին, բացի հայկական ակումբների հանդիպումներից, եվրագավաթներում հանդես եկան նաև Հայաստանի հավաքականի լեգեոներները։ Վահան Բիչախչյանը, Արթուր Սերոբյանը և Գեորգի Հարությունյանը դաշտ դուրս եկան իրենց արտասահմանյան ակումբների կազմում։

Գեորգի Հարությունյանը մեկնարկային կազմում դուրս եկավ հունգարական «Պուշկաշ Ակադեմիայի» կազմում՝ Կոնֆերենցիաների լիգայի երկրորդ որակավորման փուլի խաղում՝ ընդդեմ Կիպրոսի «Արիսի»։ Նա խաղադաշտում անցկացրեց 72 րոպե։ Լարված հանդիպումն ավարտվեց «Արիսի» հաղթանակով՝ 3:2 հաշվով։ Այս հանդիպումը Հարությունյանի համար դարձավ եվրագավաթային դեբյուտ։

Վահան Բիչախչյանը խաղադաշտ դուրս եկավ 74-րդ րոպեին՝ Եվրոպայի լիգայի խաղում՝ Լեհաստանի «Լեգիայի» և Չեխիայի «Բանիկի» միջև։ Հանդիպումն ավարտվեց ոչ-ոքի՝ 2:2։

Արթուր Սերոբյանը մեկնարկային կազմում դուրս եկավ մոլդովական «Շերիֆի» կազմում՝ ընդդեմ Նիդերլանդների «Ուտրեխտի»՝ Եվրոպայի լիգայի խաղում։ Նա խաղաց 77 րոպե։ Չնայած «Շերիֆը» բացեց խաղի հաշիվը, վերջում պարտվեց՝ 1:3 հաշվով։

Պատասխան խաղերը կկայանան հուլիսի 31-ին։