Բարսեղյանը երկրորդ խաղակեսում գոլ խփեց և օգնեց «Սլովանին» պահպանել առաջատարությունը (ՏԵՍԱՆՅՈՒԹ)

Հայաստանի ազգային հավաքականի նախկին ավագ Տիգրան Բարսեղյանը աչքի ընկավ Սլովակիայի առաջնության 21-րդ տուրի խաղում՝ երկրորդ խաղակեսում փոխարինման դուրս գալով և խփելով իր թիմի երկրորդ գոլը։ Հանդիպումն ավարտվեց ոչ-ոքի՝ 2:2 հաշվով։

Գոլի պահին «Սլովանը» խաղում էր թվային փոքրամասնությամբ, ինչը լրացուցիչ դրամատիզմ հաղորդեց հանդիպմանը։ Չնայած մրցակցի առավելությանը՝ բրատիսլավյան ակումբը կարողացավ պահպանել ոչ-ոքի արդյունքը։

Այս տուրից հետո «Սլովանը» շարունակում է գլխավորել Սլովակիայի առաջնության մրցաշարային աղյուսակը՝ մեկ միավորով առաջ անցնելով DAC 1904-ից։

Բարսեղյանի համար այս գոլը դարձավ վեցերորդը ընթացիկ մրցաշրջանի բոլոր մրցաշարերում։

Հիշեցնենք, որ այս խաղից քիչ առաջ ֆուտբոլիստը հայտարարել էր Հայաստանի ազգային հավաքականում կարիերան ավարտելու մասին։ Բացի այդ, վերջերս կայացած գավաթային խաղում նա չկարողացավ իրացնել հետխաղյա 11-մետրանոց հարվածը, ինչից հետո «Սլովանը» դուրս մնաց Սլովակիայի գավաթի խաղարկությունից։

ՏԵՍԱՆՅՈՒԹ ԳՈԼԻ՝