Բաչկովը պաշտպանեց WBA Continental տիտղոսը՝ կանգնեցնելով Արկոնին Դուբայում (ՎԻԴԵՈ)
- Հեղինակ: Vahe Hakobyan
- Sportaran
Հայ բռնցքամարտիկ Հովհաննես Բաչկովը (9-0) տպավորիչ հաղթանակ տարավ նախկինում անպարտ վենեսուելացի Լուիս Արկոնի (16-1-1) նկատմամբ՝ հաղթելով տեխնիկական նոկաուտով 4-րդ ռաունդում։ Այսպիսով, հայ մարզիկը հաջողությամբ պաշտպանեց WBA Continental չեմպիոնական գոտին առաջին կիսամիջին քաշային կարգում։
Բաչկովի համար սա արդեն իններորդ հաղթանակն էր պրոֆեսիոնալ ռինգում, ընդ որում դրանցից 8-ը ավարտվել են վաղաժամ՝ հաստատելով նրա կարգավիճակը որպես դիվիզիոնի ամենավտանգավոր նոկաուտերներից մեկը։
Առանձնահատուկ ուշադրության է արժանի նաև մարզիկների դիմակայության պատմությունը։ Ավելի վաղ Բաչկովն ու Արկոնը հանդիպել էին սիրողական մակարդակում՝ 2016 թվականի Ռիո դե Ժանեյրոյի Օլիմպիական խաղերում, որտեղ Բաչկովը հաղթել էր բաժանված դատական որոշմամբ։ Գրեթե 10 տարի անց կայացավ սպասված ռևանշը՝ արդեն պրոֆեսիոնալ մակարդակում, և կրկին հաղթեց Բաչկովը՝ այս անգամ ավելի վստահ։
ՎԻԴԵՈ՝
Մենամարտը դարձավ BATL Promotions մրցաշարի գլխավոր իրադարձությունը, որը տեղի ունեցավ ապրիլի 3-ին Դուբայում։
Երեկոյի ընթացքում հաղթանակ տարավ նաև Անաիթ Արոյանը՝ համալրելով հայկական բռնցքամարտիկների հաջող ելույթների շարքը այս մրցաշարում։
Քննարկեք նորությունները!
Անցնել մեկնաբանություններին ↓
Comments
0