Ազատ Հովհաննիսյանը սենսացիոն կերպով հաղթեց անպարտելի Այդոս Մեդետին ԱՄՆ-ում
- Հեղինակ: Vahe Hakobyan
- Sportaran
Հայ բռնցքամարտիկ Ազատ Հովհաննիսյանը (22–6) կարևոր հաղթանակ տարավ նախկինում անպարտելի Ղազախստանի ներկայացուցիչ Այդոս Մեդետի (14–1) նկատմամբ Լոնգ Բիչում (ԱՄՆ) կայացած բռնցքամարտի երեկոյի ընթացքում։
Մենամարտը տևեց ամբողջ ութ ռաունդ և ավարտվեց դատավորների միաձայն որոշմամբ՝ հօգուտ Հովհաննիսյանի։ Մենամարտից առաջ հայ մարզիկը համարվում էր աութսայդեր, սակայն կարողացավ մրցակցին պարտադրել իր տեմպը և հանդիպման մեծ մասում ավելի համոզիչ տեսք ուներ։
Այս հաղթանակը հատուկ նշանակություն ունի 37-ամյա Հովհաննիսյանի համար․ նա ընդհատեց երեք անընդմեջ պարտությունների շարքը և վերադարձավ հաղթական ուղի։ Միևնույն ժամանակ Մեդետը կրեց իր առաջին պարտությունը պրոֆեսիոնալ կարիերայում։
ԱՄՆ-ում հաջող ելույթը կարող է դառնալ կարևոր փուլ հայ բռնցքամարտիկի հետագա կարիերայի շարունակության համար միջազգային ասպարեզում։

Քննարկեք նորությունները!
Անցնել մեկնաբանություններին ↓
Comments
0