Հասմիկ Ավագյանը կղեկավարի սպորտի ոլորտը փոխնախարարի պաշտոնում

Հասմիկ Ավագյանը նշանակվել է Հայաստանի Հանրապետության կրթության, գիտության, մշակույթի և սպորտի փոխնախարար։ Նա կղեկավարի սպորտի ոլորտը։ Այսինքն՝ նա կզբաղեցնի Կարեն Գիլոյանի պաշտոնը, ով վերջերս լքեց այդ պաշտոնը և այժմ աշխատում է միջազգային WADA կազմակերպությունում։

Հասմիկ Ավագյանը մանկավարժական գիտությունների թեկնածու է, մասնագիտությամբ՝ ֆիզիկական դաստիարակության դասախոս և մարզիչ։ Աշխատել է Հայաստանի պետական ֆիզիկական կուլտուրայի և սպորտի ինստիտուտում որպես դասախոս, եղել է սոցիալ-հումանիտար առարկաների ամբիոնի վարիչ, ինստիտուտի ուսումնական աշխատանքների գծով պրոռեկտոր։