Աշոտ Մովսիսյանը՝ Եվրոպայի մինչև 23 տարեկանների ծանրամարտի չեմպիոն

Հայաստանի ծանրամարտիկ Աշոտ Մովսիսյանը դարձավ Եվրոպայի 2025 թվականի մինչև 23 տարեկանների (U23) չեմպիոն՝ գերծանր քաշային (+110 կգ) կարգում։ Մրցումները անցկացվում են Ալբանիայում։

Մովսիսյանը փայլուն ելույթ ունեցավ՝ նվաճելով ոսկե մեդալ թե՛ հրումում, թե՛ երկամարտում՝ 384 կգ (պոկում՝ 168 կգ, հրում՝ 216 կգ) արդյունքով։ Լարված պայքարում նա 1 կգ-ով առաջ անցավ ուկրաինացի Բոգդան Խոզայից։

Արդյունքներ (+110 կգ, U23, տղամարդիկ)՝

• Աշոտ Մովսիսյան (Հայաստան) — 384 կգ (168+216)

• Բոգդան Խոզա (Ուկրաինա) — 383 կգ (180+203)

• Գուրամի Վեկուա (Վրաստան) — 379 կգ (168+211)

Պոկումում Մովսիսյանը նվաճեց փոքր բրոնզ, իսկ հրումում՝ ոսկի, ինչն ապահովեց նրա վերջնական հաղթանակը։

Այս հաջողությամբ Հայաստանի հավաքականը Եվրոպայի երիտասարդական առաջնությունը եզրափակեց 7 մեծ ոսկե մեդալով՝ գրավելով առաջին տեղը ընդհանուր հաշվարկում (U20 և U23 տարիքային խմբերում)։

Երկրորդ տեղը զբաղեցրեց Թուրքիայի հավաքականը (5 ոսկե մեդալ)։

Տարիքային խմբերի առանձին թիմային արդյունքները (տղամարդիկ և կանայք, U20 և U23) կհրապարակվեն ավելի ուշ։

ՏԵՍԱՆՅՈՒԹ՝