Հարությունյանը և Ալիխանյանը կմեկնարկեն ազատ ոճի ըմբշամարտի Աշխարհի առաջնությունում-2025

Սեպտեմբերի 14-ին, ազատ ոճի ըմբշամարտի Աշխարհի առաջնության երկրորդ օրը, Հայաստանի հավաքականի կազմում մրցահարթակ դուրս կգան երկու մարզիկ, իսկ ևս երկուսը կշարունակեն պայքարը մեդալների համար։

Մրցապայքարին կմիանա Եվրոպայի 4-ակի չեմպիոն Արսեն Հարությունյանը (57 կգ), ով կփորձի առաջին անգամ նվաճել աշխարհի առաջնության ոսկե մեդալը։ Նախկինում նա երեք անգամ դարձել է մեծահասակների Աշխարհի առաջնության բրոնզե մեդալակիր, ինչպես նաև երկու անգամ հաղթել է U23 Աշխարհի առաջնությունում։

25-ամյա ըմբիշը մրցաշարը կսկսի 1/16 եզրափակիչից, որտեղ նրա մրցակիցը կլինի 23-ամյա ուկրաինացի Վլադիսլավ Աբրամովը։ 1/8 եզրափակչում նրան, ամենայն հավանականությամբ, սպասվում է ավելի լուրջ մրցակից՝ զույգի հաղթող Աձամաթ Տուսկաև (Սերբիա) – Մունխ Բատխույագ (Մոնղոլիա)։ Եզրափակիչ փուլի դեպքում նրան կսպասի Տոկիոյի օլիմպիական խաղերի փոխչեմպիոն Սփենսեր Լիի (ԱՄՆ) հետ պայքարը։

Նշենք, որ 57 կգ քաշային կարգի ֆավորիտներից մեկը՝ օլիմպիական խաղերի բրոնզե մեդալակիր Աման Ամանը, դուրս է եկել մրցաշարից։ Նրա մրցակից Վլադիմիր Եգորովը ավտոմատ կերպով անցել է 1/8 եզրափակիչ։

Հայաստանի մյուս ներկայացուցիչը՝ 26-ամյա Հրայր Ալիխանյանը (74 կգ), կներկայանա իր երրորդ աշխարհի առաջնությունում։ Այս պահի դրությամբ նրա հաշվին մեդալներ չկան։ Նա կմրցի 1/16 եզրափակիչում Իրանի ներկայացուցիչ, աշխարհի բազմակի մեդալակիր և օլիմպիական խաղերի մասնակից Յունես Էմամիի հետ։

Բացի այդ, սեպտեմբերի 14-ին մեդալների համար կշարունակեն պայքարը Մանվել Խնձրցյանy (61 կգ) և Արման Անդրեասյանը (70 կգ)։ Մանվելը առավոտյան կմասնակցի մխիթարական գոտեմարտերին՝ բրոնզե մեդալի համար պայքարի իրավունք ստանալու նպատակով։ Արման Անդրեասյանը երեկոյան կանցկացնի գոտեմարտ բրոնզե մեդալի համար։

Գոտեմարտերի սկիզբը՝ տեղական ժամանակով 10:30-ին (Զագրեբ)։

Ինչպես և որտեղ դիտել առցանց Աշխարհի առաջնություն-2025 ըմբշամարտից