Հարություն Հարությունյանը՝ 59-րդը հսկա սլալոմում Օլիմպիական խաղեր-2026-ում
- Հեղինակ: Vahe Hakobyan
- Sportaran
Հայաստանի դահուկորդ Հարություն Հարությունյանը զբաղեցրեց 59-րդ տեղը հսկա սլալոմ մրցաձևում 2026 թվականի Ձմեռային Օլիմպիական խաղերում։ Մրցումներին մասնակցեցին 81 մարզիկներ։
Մեկնարկից առաջ հայ երկրպագուների համար երկու հիմնական ինտրիգ կար՝ արդյոք Հարությունը կկարողանա՞ ավարտել մրցավազքը և կկարողանա՞ շրջանցել Կիպրը ներկայացնող, հայկական ծագում ունեցող Յաննոս Կույումջյանին։
Մեր մարզիկը հաջողությամբ հաղթահարեց երկու խնդիրներն էլ՝ վստահ ավարտելով մրցատարածությունը։ Շնորհավորում ենք Հարությունին արժանի ելույթի համար։ Յաննոս Կույումջյանը զբաղեցրեց 64-րդ տեղը։
Առաջին փորձից հետո առաջատարը դարձավ Բրազիլիան ներկայացնող Լուկաս Պինեյրո Բրոտենը։ Նա շարունակում է պայքարը պատմական մեդալի համար, որը կարող է դառնալ Բրազիլիայի առաջին մեդալը Ձմեռային Օլիմպիական խաղերի պատմության մեջ։
Երկրորդ փորձին մասնակցում են միայն առաջին փորձի արդյունքներով լավագույն 30 դահուկորդները։ Այսպիսով, Հարությունյանը ավարտեց իր ելույթները հսկա սլալոմում։
Սակայն նրա օլիմպիական ծրագիրը շարունակվում է․ արդեն փետրվարի 16-ին հայ մարզիկը կմեկնարկի սլալոմ մրցաձևում։
Քննարկեք նորությունները!
Անցնել մեկնաբանություններին ↓
Comments
0