Արթուր Սերոբյանը լքում է «Շերիֆը» և վերադառնում «Արարատ-Արմենիա»

Մոլդովական «Շերիֆը» և հայ հարձակվող Արթուր Սերոբյանը որոշել են ժամկետից շուտ ավարտել վարձակալության պայմանագիրը։ Ինչպես տեղեկացնում է տիրասպոլյան ակումբի մամուլի ծառայությունը, պայմանագիրը լուծարվել է կողմերի փոխադարձ համաձայնությամբ։

22-ամյա ֆուտբոլիստը «Շերիֆին» միացել էր անցած ձմռանը և կես տարում դարձել թիմի աչքի ընկնող խաղացողներից մեկը։ Նրա հաշվին կա 25 պաշտոնական հանդիպում, 4 խփած գնդակ և 6 գոլային փոխանցում։

Այժմ Սերոբյանը վերադառնում է «Արարատ-Արմենիա», որին պատկանում են ֆուտբոլիստի իրավունքները։ Սակայն նրա ապագան երեւանյան ակումբում դեռ հարցականի տակ է․ աղբյուրների համաձայն՝ մի քանի եվրոպական ակումբներ հետաքրքրված են կիսապաշտպանով, և նա կարող է շարունակել կարիերան Հայաստանի սահմաններից դուրս։