Արթուր Ղարիբյանը խփեց իր երրորդ գնդակը ՖՆԼ-ում (ՎԻԴԵՈ)

19-ամյա Հայաստանի երիտասարդական հավաքականի հարձակվող Արթուր Ղարիբյանը կրկին աչքի ընկավ Ռուսաստանի առաջնությունում։ Առաջին լիգայի 12-րդ տուրի «Ուլյանովսկի Վոլգա»-ի հետ խաղում Կոստրոմայի «Սպարտակի» հարձակվողը գրավեց դարպասը 90+2-րդ րոպեին՝ հավասարեցնելով հաշիվը՝ 1:1։

Ղարիբյանի համար սա արդեն երրորդ գոլն է մրցաշրջանում, իսկ նրա թիմը շարունակում է վստահորեն առաջնորդել մրցաշարային աղյուսակը՝ ունենալով 27 միավոր և 11 անպարտ հանդիպումների շարք։

Այս մրցաշրջանը Ղարիբյանի համար ՖՆԼ-ում նորամուտային է, սակայն նա արագ դարձավ կոստրոմացիների կազմում առանցքային խաղացող և առաջնության առաջատարի կարևորագույն ֆուտբոլիստներից մեկը։