Արթուր Դավթյանը Սերիա A-ում հաղթանակ է տարել երկու մրցաձեւերում

Հայ մարմնամարզիկ Արթուր Դավթյանը տրիումֆատոր դարձավ Իտալիայի Սերիա A-ի առաջին փուլի ընթացքում՝ հանդես գալով Artistica Brescia ակումբի կազմում։ Օլիմպիական խաղերի արծաթե մեդալակիրն աչքի ընկավ մի շարք մրցաձևերում՝ կարևոր ներդրում ունենալով իր թիմի ընդհանուր հաջողության մեջ։

Դավթյանի լավագույն ելույթները գրանցվեցին հենացատկում, որտեղ նա հավաքեց 14,750 միավոր, ինչպես նաև օղակների վրա, որտեղ նրա արդյունքը կազմեց 13,900 միավոր։ Այս երկու մրցաձևերում նա գրավեց առաջին տեղը։ Բացի այդ, նա մրցեց նժույգի վրա, որտեղ նույնպես գրանցեց բարձր արդյունք՝ 13,600 միավոր։ Նրա ելույթները վճռորոշ էին Բրեշիա թիմի համար, որը այս փուլի արդյունքում զբաղեցրեց երկրորդ տեղը։

Նշենք, որ այս փուլում մեծ ներդրում ունեցան նաև այլ օտարերկրյա մարմնամարզիկներ։ Մասնավորապես, ուկրաինացի մարզիկ Իլյա Կովտունը, ով հանդես է գալիս Palestra Ginnastica Ferrara ակումբի կազմում, բարձր արդյունքներ գրանցեց բոլոր վարժություններում և դարձավ բազմամարտի հաղթող։ Նրա գնահատականները ներառում էին 14,000 միավոր նժույգի վրա, 13,800՝ զուգափայտերի վրա, 13,600՝ պտտաձողի վրա, 14,000՝ հենացատկում, 13,350՝ ազատ վարժություններում և 13,050՝ օղակների վրա։

Ավելացնենք, որ դեկտեմբեր-հունվար ամիսներին Արթուր Դավթյանը մասնակցել է Ֆրանսիայի բաց առաջնությանը սպորտային մարմնամարզության գծով, որտեղ նույնպես ցուցադրել է բարձր արդյունքներ։