Արթուր Դավթյանը՝ սպորտային մարմնամարզության եռակի Եվրոպայի չեմպիոն
- Հեղինակ: Vahe Hakobyan
- Sportaran
Արթուր Դավթյանը ոսկե մեդալ է նվաճել սպորտային մարմնամարզության Եվրոպայի 2025 թ. առաջնության հենացատկի եզրափակչում, որը կայանում է Լայպցիգում։ Օլիմպիական մրցանակակիրը ցուցադրել է 14.799 արդյունք՝ Հայաստանին բերելով առաջնության չորրորդ մեդալը։
Եզրափակչում Դավթյանը կատարել է երկու իդեալական մաքուր ցատկ՝ 5.2 բարդությամբ։ Նրա գլխավոր մրցակիցը՝ բրիտանացի Ջեյք Ջարմանը, կատարել է 5.9 բարդությամբ առաջին ցատկ, սակայն կատարողականի առումով զիջել է հայ մարմնամարզիկին՝ ստանալով 14.733 միավոր։ Բրոնզե մեդալակիր է դարձել ուկրաինացի Նազար Չեպուրնին՝ 14.583 միավորով։
Հենացատկի եզրափակչի արդյունքները՝
-
Արթուր Դավթյան (Հայաստան) — 14.799
-
Ջեյք Ջարման (Մեծ Բրիտանիա) — 14.733
-
Նազար Չեպուրնի (Ուկրաինա) — 14.583
Հենացատկի եզրափակիչը կայացել է մայիսի 31-ին։
Այսպիսով, Հայաստանի հավաքականը Եվրոպայի առաջնությունն ավարտեց չորս մեդալով՝
Ոսկի — Արթուր Դավթյան (հենացատկ)
Ոսկի — Համլետ Մանուկյան (ցողուն)
Արծաթ — Մամիկոն Խաչատրյան (ցողուն)
Բրոնզ — Արթուր Ավետիսյան (օղակներ)
Քննարկեք նորությունները!
Անցնել մեկնաբանություններին ↓
Comments
0