Արսեն Ջուլֆալակյանը դուրս է եկել հունահռոմեական ոճի ըմբշամարտի Պանամերիկյան առաջնության եզրափակիչ

Լեգենդար հայ ըմբիշը, ով ներկայումս հանդես է գալիս Արգենտինայի անունից, Արսեն Ջուլֆալակյանը (մինչև 77 կգ քաշային կարգ) դուրս է եկել 2025 թվականի Պանամերիկյան առաջնության եզրափակիչ, որը անցկացվում է Մեքսիկայի Մոնտերեյ քաղաքում։

Ճանապարհին դեպի վճռորոշ գոտեմարտ՝ Ջուլֆալակյանը վստահ հաղթանակներ է տարել Հոնդուրասի (8:0) և Վենեսուելայի (9:0) ներկայացուցիչների նկատմամբ։ Եզրափակչում նրա մրցակիցը կլինի ԱՄՆ ներկայացուցիչ Քամալ Բեյը։

Նշենք, որ մայիսի 8-ին Արսեն Ջուլֆալակյանը նշել է իր 38-ամյակը։

ՏԵՍԱՆՅՈՒԹԸ՝

Ծանր քաշային կարգում (130 կգ) ևս մեկ հայ ըմբիշ՝ Էդուարդ Սողոմոնյանը, որը հանդես է գալիս Բրազիլիայի թիմում, պայքարելու է բրոնզե մեդալի համար։ Քառորդ եզրափակչում նա 4:1 հաշվով հաղթել է չիլիական ըմբիշին, սակայն ապա պարտվել է Կուբայի ներկայացուցիչ Օսկար Պինոյին (որն այս մրցաշարում փոխարինում է Միխեին Լոպեսին) 0:8 հաշվով։ Երրորդ տեղի համար գոտեմարտում Սողոմոնյանը կմրցի Վենեսուելայի Մոյզես Հելբուրգի հետ։