Հայկական դերբի Ավստրիայում․ Տիկնիզյանն ու Հարությունյանը մրցեցին միմյանց դեմ

Հուլիսի 13-ին Ավստրիայում տեղի ունեցավ ընկերական հանդիպում Սերբիայի «Ցրվենա Զվեզդայի» և Հունգարիայի «Պուշկաշ Ակադեմիայի» միջև, որի ընթացքում միմյանց դեմ խաղացին Հայաստանի հավաքականի երկու պաշտպաններ՝ Նաիր Տիկնիզյանն ու Գեորգի Հարությունյանը։

Խաղն ավարտվեց ոչ ոքի՝ 1:1 հաշվով։ Սերբական ակումբի կազմում աչքի ընկավ Ալեքսանդր Կատայը, իսկ հունգարական թիմը պատասխանեց Ժոլտ Նադյիի դիպուկ 11 մետրանոց հարվածով։

Երկու հայ լեգեոներներն էլ մեկնարկեցին իրենց թիմերի մեկնարկային կազմում։ Տիկնիզյանը խաղադաշտում անցկացրեց 87 րոպե, Հարությունյանը՝ 75։

Հիշեցնենք, որ «Ցրվենա Զվեզդան» պատրաստվում է Չեմպիոնների լիգայի որակավորման երկրորդ փուլին, որտեղ հանդիպելու է Լատվիայի «ՌՖՇ»-ի հետ, իսկ «Պուշկաշ Ակադեմիան»՝ Կոնֆերենցիայի լիգայի որակավորման երկրորդ փուլի մեկնարկին։