Էրիկ Իսրայելյանը տարավ իր երրորդ անընդմեջ հաղթանակը Մոնրեալում (ՏԵՍԱՆՅՈՒԹ)

21-ամյա հայ բռնցքամարտիկ Էրիկ Իսրայելյանը (3-0; 2 KO) շարունակում է իր հաղթական շարքը պրոֆեսիոնալ ռինգում։ Հոկտեմբերի 30-ից 31-ի գիշերը Մոնրեալում նա հաղթեց 25-ամյա կանադացի Դիլան Շրեդերին (6-1; 4 KO)՝ մրցավարների մեծամասնության որոշմամբ՝ 40-36, 39-37 և 37-39 հաշվով։

Ավելի վաղ անպարտված Շրեդերի դեմ մենամարտը ստացվեց լարված և հավասար, սակայն Իսրայելյանին հաջողվեց պարտադրել իր ոճը և հաղթել չորս ռաունդների արդյունքում։

Էրիկի համար սա երրորդ անընդմեջ հաղթանակն է պրոֆեսիոնալ մակարդակում, և բոլոր երեք մենամարտերն էլ նա անցկացրել է հենց 2025 թվականին՝ Մոնրեալում։

Ավելի վաղ Իսրայելյանը հաջողությամբ հանդես էր գալիս Հայաստանի հավաքականի կազմում սիրողական մակարդակում, իսկ այժմ վստահորեն շարունակում է իր կարիերան պրոֆեսիոնալների շրջանում։

Էրիկի հաջորդ մենամարտը նախատեսված է նոյեմբերի 13-ին, որտեղ նրա մրցակիցը լինելու է չիլիացի Մարիո Էսպարսան։ Մրցաշարը կրկին կանցկացվի Մոնրեալում, և այս պահին մենամարտը մնում է ուժի մեջ։

ՏԵՍԱՆՅՈՒԹ՝