Հայ մարզիկները հարգանքի տուրք մատուցեցին Ցեղասպանության զոհերի հիշատակին Ծիծեռնակաբերդում

Ապրիլի 24-ին, Հայոց ցեղասպանության 110-րդ տարելիցի օրը, հայ հայտնի մարզիկներ՝ ՄՄԱ-ի մարտիկներ Արման Ծառուկյանը, Էդուարդ Վարդանյանը, Արմեն Գուլյանը, ազատ ոճի ըմբիշ Արսեն Հարությունյանը և քրոսֆիթի մարզիչ Արթուր Նժդեն այցելեցին Երևանի Ծիծեռնակաբերդի հուշահամալիր՝ հարգանքի տուրք մատուցելու 1915 թվականի ողբերգության մեկ ու կես միլիոն անմեղ զոհերի հիշատակին։

UFC-ի թեթև քաշային կարգի առաջին համար Արման Ծառուկյանը հատուկ ԱՄՆ-ից ժամանել էր Երևան՝ այս կարևոր օրը հայրենիքում լինելու համար։ Նրան Մոսկվայից միացել էին Արմեն Գուլյանն ու Էդուարդ Վարդանյանը։ Այստեղ՝ Հայաստանում, մարզիկների պատվիրակությանը միացել էին Եվրոպայի չեմպիոն ըմբիշ Արսեն Հարությունյանը և մարզիչ Արթուր Նժդեն։

Բոլորով միասին ծաղիկներ խոնարհեցին հավերժական կրակին և մեկ րոպե լռությամբ հարգեցին զոհերի հիշատակը։

ՏԵՍԱՆՅՈՒԹ՝