Հայ գրոսմայստերները մեկնարկել են ՖԻԴԵ-ի 2025 թվականի աշխարհի գավաթի չորրորդ փուլի մեկնարկում
- Հեղինակ: Vahe Hakobyan
- Sportaran
ՖԻԴԵ-ի 2025 թվականի շախմատի աշխարհի գավաթի չորրորդ փուլի առաջին տուրում հայ գրոսմայստերները ցուցադրեցին վստահ խաղ և իրենց պարտիաները ավարտեցին ոչ-ոքի արդյունքով։
Գաբրիել Սարգսյանը (վարկանիշ՝ 2616) սևերով խաղում էր ԱՄՆ ներկայացնող Ավոնդեր Լիանգի (վարկանիշ՝ 2701) դեմ։ Լարված պայքարից հետո հանդիպումը ավարտվեց ոչ-ոքի։
Շանտ Սարգսյանը (վարկանիշ՝ 2664) նույնպես ոչ-ոքի արդյունք գրանցեց՝ սևերով մրցելով գերմանացի գրոսմայստեր Ֆրեդերիկ Սվանեի (վարկանիշ՝ 2640) դեմ։
Հայ ծագմամբ ամերիկացի շախմատիստ Լևոն Արոնյանը (վարկանիշ՝ 2728) վստահ հաղթանակ տարավ սպիտակներով՝ հաղթելով լեհ գրոսմայստեր Ռադոսլավ Վոյտաշեկին (վարկանիշ՝ 2660)։
Հայ շախմատի դպրոցի ևս մեկ ներկայացուցիչ, ԱՄՆ-ի անունից հանդես եկող Սամուել Սևյանը (վարկանիշ՝ 2701), իր պարտիան ոչ-ոքի ավարտեց իտալացի գրոսմայստեր Լորենցո Լոդիչիի (վարկանիշ՝ 2572) հետ։
Չորրորդ փուլի երկրորդ պարտիաները տեղի կունենան նոյեմբերի 12-ին՝ Երևանի ժամանակով ժամը 13:30-ին։ Դրանք էլ կորոշեն՝ ովքեր կշարունակեն պայքարը աշխարհի գավաթի համար։
Քննարկեք նորությունները!
Անցնել մեկնաբանություններին ↓
Comments
0