Հայ մարմնամարզիկները հաջող ելույթ ունեցան Օսիեկում կայացած Աշխարհի գավաթի փուլում

Հայ մարզիկները հաջող ելույթ ունեցան 2026 թվականի սպորտային մարմնամարզության Աշխարհի գավաթի եզրափակիչ փուլում, որը տեղի ունեցավ Օսիեկում։

Մրցումների գլխավոր հերոսը դարձավ Համլետ Մանուկյանը։ 18-ամյա մարզիկը նվաճեց ոսկե մեդալ ձիու վրա վարժությունում՝ հավաքելով 14.733 միավոր։ Հատկանշական է, որ Մանուկյանը հաղթել էր նաև մրցաշարի նախորդ փուլում Կահիրեում՝ հաստատելով իր բարձր մարզավիճակը։

Նույն վարժությունում Մամիկոն Խաչատրյանը զբաղեցրեց 6-րդ տեղը՝ 13.433 միավոր արդյունքով։

Հայաստանի հավաքականի համար ևս մեկ մեդալ նվաճեց Արթուր Ավետիսյանը։ Նա դարձավ օղակների վարժության բրոնզե մեդալակիր՝ ստանալով 14.133 միավոր։ Ընդհանուր առմամբ Ավետիսյանը կայուն մրցաշար անցկացրեց՝ Աշխարհի գավաթի փուլերում նվաճելով մեդալների ամբողջական հավաքածու՝ ոսկի, արծաթ և բրոնզ։

Մրցումները շարունակվում են, և արդեն վաղը հենացատկի եզրափակչում հանդես կգա Արթուր Դավթյանը, ով կպայքարի Հայաստանի համար հերթական մեդալի համար։

Արդյունքներ, ձի:

1. Համլետ Մանուկյան (Հայաստան)
2. Զեյնոլլա Իդրիսով (Ղազախստան)
3. Նարիման Կուրբանով (Ղազախստան)

Արդյունքներ, օղակներ:

1. Լյու Հենգյու (Չինաստան)
2. Հարի Հեփուորթ (Մեծ Բրիտանիա)
3. Արթուր Ավետիսյան (Հայաստան)