Հայաստանցի գեղասահողները կպայքարեն օլիմպիական լիցենզիաների համար Պեկինում

Սեպտեմբերի 17-ին Պեկինում կմեկնարկի գեղասահքի կարևորագույն որակավորման մրցաշարը՝ Nebelhorn Trophy 2025, որի ընթացքում կվիճարկվեն Միլանում և Կորտինա դ’Ամպեցցոյում կայանալիք 2026 թվականի Օլիմպիական խաղերի վերջին ուղեգրերը։

Հայաստանի հավաքականը մրցաշարին մասնակցելու համար հայտարարել է երեք մարզիկի տարբեր կարգերում․

• Տղամարդիկ (մենասահք) – Սեմյոն Դանիлянց

• Զույգերով սահք – Կարինա Հակոպովա և Նիկիտա Ռահմանին

• Պարեր սառույցի վրա – Քրիստինա Դոբրոսեդովա և Ալեսանդրո Պելլեգրինի

Ըստ ISU-ի պաշտոնական որակավորման համակարգի՝ Պեկինում կվիճարկվեն․

• 6 օլիմպիական քվոտա տղամարդկանց,

• 6 կանանց,

• 4 զույգերով սահքում,

• 5 սառույցի պարերում։

Այսպիսով՝ Հայաստանը օլիմպիական ուղեգիր ստանալու համար պետք է զբաղեցնի առնվազն․

• 6-րդ տեղ տղամարդկանց,

• 4-րդ զույգերով,

• 5-րդ պարերում։

Սա պատմական հնարավորություն է Հայաստանի հավաքականի համար․ ազգային թիմը երբեք այսքան լայն ներկայացվածություն չի ունեցել օլիմպիական որակավորման փուլում։ Առաջին անգամ Հայաստանը ներկայացված է զույգերով սահքում։ Մրցաշարին նախորդելով՝ Կարինա Հակոպովան և Նիկիտա Ռահմանինը փոխեցին սպորտային քաղաքացիությունը՝ Ռուսաստանի փոխարեն հանդես գալու Հայաստանի դրոշի ներքո։

Հաջող ելույթը Պեկինում կարող է Հայաստանին ապահովել միանգամից մի քանի լիցենզիա Իտալիայում կայանալիք Ձմեռային խաղերի համար։

Բացի այդ, նշենք, որ որակավորման մրցաշարին կմասնակցի նաև Ադելիա Պետրոսյանը, ով ներկայացնում է Ռուսաստանը՝ նեյտրալ դրոշի ներքո։