Հայ ձյուդոիստները մեդալներ են նվաճել Նիդեռլանդներում կայացած մրցաշարում

Հունվարի 11-ից 12-ը Նիդեռլանդների Էյնդհովեն քաղաքում կայացավ Matsuru Dutch Open Espoir 2025 47-րդ միջազգային ձյուդոյի մրցաշարը։ Մրցումներին մասնակցեցին 17 երկրների մարզիկներ, ովքեր ցուցադրեցին բարձր մակարդակի վարպետություն և հաստատակամ պայքար մրցանակային տեղերի համար։

Մրցաշարի ընթացքում առանձնահատուկ ուշադրություն գրավեցին եվրոպական տարբեր երկրներ ներկայացնող հայկական ծագումով ձյուդոյիստները։ Նրանք ցույց տվեցին տպավորիչ արդյունքներ և իրենց քաշային կարգերում նվաճեցին մեդալներ։

— Նարեկ Վարդանյանը (Շվեդիա) հաղթող ճանաչվեց մինչև 73 կգ քաշային կարգում՝ 21 տարեկանների շրջանում և նվաճեց ոսկե մեդալ։

— Սարգիս Համտրաշյանը (Բելգիա) 66 կգ քաշային կարգում 21 տարեկանների շրջանում զբաղեցրեց երկրորդ տեղը և արժանացավ արծաթե մեդալի։

— Միշա Կուրգինյանը (Նիդեռլանդներ) 66 կգ քաշային կարգում 18 տարեկանների շրջանում զբաղեցրեց երրորդ տեղը՝ նվաճելով բրոնզե մեդալ