Հայաստանի ըմբիշները կմասնակցեն Աքսյոնովի հուշամրցաշարին Նովոսիբիրսկում

Սեպտեմբերի 27-28-ին Նովոսիբիրսկի «Սիբիր Արենա»-ում տեղի կունենա ԽՍՀՄ հերոս Ալեքսանդր Աքսյոնովի անվան ավանդական հունահռոմեական ըմբշամարտի հուշամրցաշարը։ 2025 թվականի մրցաշարին կմասնակցեն 11 երկրների մարզիկներ՝ Ադրբեջան, Հայաստան, Բելառուս, Իրան, Ղազախստան, Կուբա, Ղրղզստան, Տաջիկստան, Թուրքիա, Ուզբեկստան և Ռուսաստան։

Հայաստանի հավաքականը մրցաշարին կներկայանա հինգ ըմբիշով․

• 55 կգ — Նորայր Հախոյան

• 72 կգ — Շանթ Խաչատրյան

• 82 կգ — Մարտիկ Պետրոսյան

• 87 կգ — Կարեն Խաչատրյան, Գևորգ Թադևոսյան

Մրցաշարի ծրագիր (Մոսկվայի ժամանակով)

• Սեպտեմբերի 27 (շաբաթ)՝ ժամը 06:00-ից՝ նախնական գոտեմարտեր բոլոր քաշային կարգերում։

• Սեպտեմբերի 28 (կիրակի)՝ ժամը 06:00-ից՝ մխիթարական գոտեմարտեր և բրոնզե մեդալի համար պայքար, 09:00-ին՝ հանդիսավոր բացում, որից հետո՝ եզրափակիչներ։

Աքսյոնովի հուշամրցաշարը ավանդաբար համարվում է հունահռոմեական ըմբշամարտի ամենահեղինակավոր մրցաշարերից մեկը՝ համախմբելով աշխարհի ուժեղագույն մարզիկներին։

Ուղիղ եթերը հասանելի կլինի Wrestling TV կայքում։