Հայաստանի երկրպագուները երթ կանցկացնեն Թբիլիսիում

Հայաստանի ազգային հավաքականի երկրպագուները երթ կանցկացնեն մարզադաշտ մինչև պատասխան խաղը Վրաստանի ազգային հավաքականի դեմ, որը կայանալու է մարտի 23-ին Թբիլիսիում։

Հավաքը նախատեսված է տեղական ժամանակով 15:00-ին, իսկ երթը կսկսվի 16:00-ին։ Երթը կսկսվի Ծերեթելի մետրոյի հարակից հրապարակից և կանցնի մինչև «Դինամո-Արենա» մարզադաշտ, հայտնում է FAF Ultras-ը։

Հիշեցնենք, որ նմանատիպ երթ էին կազմակերպել Վրաստանի ազգային հավաքականի երկրպագուները Երևանում։