Հայաստանցի բռնցքամարտիկները նվաճել են 8 մեդալ «Դաուրիա գավաթ 2025»-ում

2025թ․ սեպտեմբերի 13-ին Ռուսաստանի Չիտա քաղաքում ավարտվեց 17–18 տարեկանների համար անցկացված բռնցքամարտի միջազգային մրցաշարը՝ «Եվրասիական Դաուրիա գավաթ 2025»-ը։

Մրցաշարին մասնակցեցին 150 բռնցքամարտիկներ 19 երկրից՝ Ռուսաստանից, Զիմբաբվեից, Պաղեստինից, Լիբիայից, Ալժիրից, Չինաստանից, Թունիսից, Մոնղոլիայից, Սերբիայից, Հայաստանից, Բրազիլիայից, Բելառուսից, Թաիլանդից, Ուզբեկստանից, Ղրղզստանից, Ղազախստանից, Կուբայից, ՀԱՀ-ից և Ադրբեջանից։

Հայ բռնցքամարտիկների արդյունքները
Հայաստանը ներկայացված էր մի շարք հեռանկարային մարզիկներով, որոնք կարողացան տեղ գտնել մրցանակակիրների թվում։

• 54 կգ․ Վաղարշակ Քեյանը (Հայաստան) եզրափակչում 4:1 հաշվով հաղթեց Արսենի Ժիլցովին (Ռուսաստան) և դարձավ ոսկե մեդալակիր։

• 92+ կգ․ Տիգրան Խաչատրյանը (Հայաստան) վճռական մենամարտում 0:5 հաշվով պարտվեց Ռինատ Գասանովին (Ռուսաստան) և դարձավ արծաթե մեդալակիր։

• Բրոնզե մեդալներ նվաճեցին նաև 6 հայ բռնցքամարտիկներ, որոնք կանգ առան կիսաեզրափակչում․ Էրիկ Սեմերջյանը (48 կգ), Վաղրամ Դովլաթեկյանը (51 կգ), Անդրանիկ Մարտիրոսյանը (63.5 կգ), Արգիշտի Հակոբյանը (67 կգ), Ալբերտ Հարությունյանը (80 կգ) և Սարգիս Անդրեասյանը (92 կգ)։