Հայկական զույգը՝ 2026 թ. աշխարհի առաջնության թոփ-8-ում՝ կարիերայի լավագույն արդյունքով
- Հեղինակ: Vahe Hakobyan
- Sportaran
Մարտի 26-ին գեղասահքի 2026 թվականի աշխարհի առաջնությունում որոշվեցին սպորտային զույգերի մրցումների հաղթողները և մրցանակակիրները։ Հայկական դուետը՝ Կարինա Հակոբովա / Նիկիտա Ռախմանին, զբաղեցրեց 8-րդ հորիզոնականը՝ գրանցելով կարիերայի լավագույն արդյունքը՝ 190,46 միավոր՝ երկու ծրագրերի հանրագումարում։
Ազատ ծրագրում հայկական զույգը մաքուր կատարեց գրեթե բոլոր տարրերը, սակայն սխալ թույլ տվեց նախավերջինում՝ աջակցման ժամանակ։ Առանց այդ վրիպման մարզիկները կարող էին հավակնել ավելի բարձր վերջնական արդյունքի։
Աշխարհի չեմպիոններ դարձան գերմանական զույգը՝ Միներվա Ֆաբիեն Հազե / Նիկիտա Վոլոդին՝ վերջին Օլիմպիական խաղերի բրոնզե մեդալակիրներ։ Արծաթը բաժին հասավ Վրաստանի ներկայացուցիչներին՝ Եվրոպայի չեմպիոններ Անաստասիա Մետյոլկինային և Լուկա Բերուլավային։ Բրոնզե մեդալները նվաճեցին կանադացիներ Լիա Պերեյրա / Տրենտ Միշո։
Թոփ-10 (սպորտային զույգեր)
- Հազե / Վոլոդին (Գերմանիա) — 228,33
- Մետյոլկինա / Բերուլավա (Վրաստան) — 218,41
- Պերեյրա / Միշո (Կանադա) — 216,09
- Նագաոկա / Մորիգուտի (Ճապոնիա) — 209,13
- Պավլովա / Սվյատչենկո (Հունգարիա) — 205,08
- Եֆիմովա / Միտրոֆանով (ԱՄՆ) — 202,51
- Հոկե / Կունկել (Գերմանիա) — 194,11
- Հակոբովա / Ռախմանին (Հայաստան) — 190,46
- Ժանգ / Հուանգ (Չինաստան) — 184,90
- Վույամոզ / Բուվար (Շվեյցարիա) — 184,56
Հիշեցնենք, որ 2026 թվականի Օլիմպիական խաղերում Հակոբովան և Ռախմանինը զբաղեցրել էին 14-րդ տեղը։
Քննարկեք նորությունները!
Անցնել մեկնաբանություններին ↓
Comments
0