Հայկական մարմնամարզությունը՝ Եվրոպայի առաջատարների թվում. Լայպցիգում կայացած ԵԱ-2025-ի արդյունքները

Մայիսի 26-ից 31-ը Գերմանիայի Լայպցիգ քաղաքում անցկացվեց սպորտային մարմնամարզության Եվրոպայի 2025 թվականի առաջնությունը։ Այս մրցաշարը ևս մեկ անգամ հաստատեց հայկական դպրոցի բարձր մակարդակը․ Հայաստանի հավաքականը վստահորեն հայտնվեց մայրցամաքի ուժեղագույն թիմերի շարքում՝ թե մեդալների քանակով, և թե անհատական արդյունքներով։

Եվրոպայի առաջնությունում երեք հայ մարմնամարզիկներ հավաքեցին մրցաշարի բոլոր մասնակիցներից ամենաբարձր միավորները՝ հաշվի առնելով թե՛ տղամարդկանց, թե՛ կանանց բոլոր մարզագույքները․

Արթուր Դավթյան (Հայաստան) — 14.799 (օպորային ցատկ)

Համլետ Մանուկյան (Հայաստան) — 14.766 (մարմնամարզական ձի)

Մամիկոն Խաչատրյան (Հայաստան) — 14.733 (մարմնամարզական ձի) և Ջեյք Ջարման (Մեծ Բրիտանիա) — 14.733 (օպորային ցատկ)

Լյուք Ուայթհաուզ (Մեծ Բրիտանիա) — 14.500 (ազատ վարժություններ)

Թեպետ մարզաձեւերը տարբեր են, գնահատման սկզբունքները նման են․ մարմնամարզիկները կատարում են 8 պարտադիր տարր (նախկինում՝ 10), իսկ վերջնական միավորը ձևավորվում է բարդության և կատարման մաքրության հանրագումարով։

Մեդալային հաշվարկ
Տղամարդկանց թիմային հաշվարկում Հայաստանի հավաքականը զբաղեցրեց երկրորդ տեղը՝ զիջելով միայն Մեծ Բրիտանիային․

Մեծ Բրիտանիա — 2 ոսկի, 2 արծաթ

Հայաստան — 2 ոսկի, 1 արծաթ, 1 բրոնզ

Թուրքիա — 2 ոսկի

Ընդհանուր մեդալային հաշվարկում Հայաստանի հավաքականը զբաղեցրեց չորրորդ տեղը՝ առաջ անցնելով մի շարք եվրոպական առաջատար երկրներից․

Գերմանիա — 3 ոսկի, 2 արծաթ, 1 բրոնզ

Մեծ Բրիտանիա — 2 ոսկի, 3 արծաթ

Իտալիա — 2 ոսկի, 1 արծաթ, 5 բրոնզ

Հայաստան — 2 ոսկի, 1 արծաթ, 1 բրոնզ

Բելգիա — 2 ոսկի, 1 բրոնզ

Թուրքիա — 2 ոսկի

Ռումինիա — 1 ոսկի, 1 արծաթ, 2 բրոնզ

Հունաստան և Լիտվա — 1 ոսկի

Հայաստանի հավաքականը Եվրոպայի առաջնությունն ավարտեց չորս մեդալով՝
Ոսկի — Արթուր Դավթյան (օպորային ցատկ)
Ոսկի — Համլետ Մանուկյան (մարմնամարզական ձի)
Արծաթ — Մամիկոն Խաչատրյան (մարմնամարզական ձի)
Բրոնզ — Արթուր Ավետիսյան (օղակներ)