Հայաստանը առանց պարտության դուրս եկավ ԵՎՐՈ-2026-ի փլեյ-օֆֆ
- Հեղինակ: Vahe Hakobyan
- Sportaran
Հայաստանի ֆուտզալի ազգային հավաքականը Եվրոպայի 2026 թվականի առաջնության խմբային փուլն ավարտեց Լիտվայի հետ ոչ-ոքի՝ 3:3 հաշվով, և զբաղեցրեց B խմբի առաջին տեղը։
Երրորդ տուրի հանդիպումը Ռուբեն Նազարեթյանի թիմի համար այլևս մրցաշարային նշանակություն չուներ. հայկական հավաքականը դեռ ավելի վաղ ապահովել էր խմբի առաջատարի դիրքը՝ հաղթելով Ուկրաինային և Չեխիային։ Այնուամենայնիվ, խաղը ստացվեց դիտարժան և լարված մինչև վերջին վայրկյանները։
Լիտվայի հավաքականը ցույց տվեց բնավորություն՝ կարողանալով հետ բերել երկու գնդակի տարբերությունը խաղի ընթացքում։ Տանտերերը, հանդիսատեսի ակտիվ աջակցության ներքո, անընդհատ առաջ էին գնում և կարողացան խաղն ավարտել ոչ-ոքի՝ մրցաշարից դուրս մնալով, բայց թողնելով լավ տպավորություն։
Հայաստանը խմբային փուլն անցավ առանց պարտության և վստահորեն դուրս եկավ քառորդ եզրափակիչ՝ առաջին տեղով։ Սա հավաքականի դեբյուտային մասնակցությունն է Եվրոպայի առաջնությանը, և թիմը միանգամից կարողացավ հասնել փլեյ-օֆֆ, ինչը պատմական ձեռքբերում է։
Հայաստանի գոլերը՝ Վլադիմիր Սանոսյան, Դենիս Նևեդրով, Միքայել Գանդիլյան։
Լիտվայի գոլերը՝ Բարանաուսկաս (դուբլ), Վասիլիուս։
Խմբի մյուս խաղում Ուկրաինան հաղթեց Չեխիային՝ 5:3 հաշվով։
B խմբի վերջնական աղյուսակ
Հայաստան — 7 միավոր
Ուկրաինա — 6
Լիտվա — 2
Չեխիա — 1
Քառորդ եզրափակչում Հայաստանի հավաքականը կհանդիպի Խորվաթիային, իսկ Ուկրաինան՝ Ֆրանսիային։
Քննարկեք նորությունները!
Անցնել մեկնաբանություններին ↓
Comments
0