Հայաստանը կրկին կմասնակցի միջազգային Unity EURO Cup մրցաշարին
- Հեղինակ: Vahe Hakobyan
- Sportaran
Հայաստանի ֆուտբոլի ֆեդերացիան (ՀՖՖ) և ՄԱԿ-ի Փախստականների գործակալությունը (UNHCR) հայտարարել են թիմի ձևավորման մեկնարկի մասին, որը կներկայացնի Հայաստանին 2025 թվականի Unity EURO Cup մրցաշարում։
Մրցաշարը կանցկացվի հոկտեմբերին՝ Նիդեռլանդներում, և կազմակերպվում է ՈՒԵՖԱ-ի և ՄԱԿ-ի Փախստականների գործակալության համատեղ նախաձեռնության շրջանակներում՝ նպատակ ունենալով նպաստել փախստականների ինտեգրմանը ֆուտբոլի միջոցով։
Մրցույթին մասնակցելու համար հրավիրվում են 18-40 տարեկան փախստականներ՝ ինչպես տղամարդիկ, այնպես էլ կանայք, ովքեր ունեն ֆուտբոլ խաղալու փորձ։ Հիմնական պահանջներն են․
-
պաշտոնական փախստականի կարգավիճակ և համապատասխան փաստաթուղթ,
-
մշտական բնակություն Հայաստանի Հանրապետությունում,
-
ճանապարհորդական փաստաթղթի առկայություն,
-
պատրաստակամություն շաբաթական երկու մարզման մասնակցելու (յուրաքանչյուրը՝ երկու ժամ),
-
պատրաստակամություն հոկտեմբերին մասնակցելու Նիդեռլանդներում անցկացվող եռօրյա ուղևորությանը։
Հայաստանը մասնակցել է Unity EURO Cup մրցաշարին 2023 և 2024 թվականներին։ 2024 թվականին Հայաստանի փախստականների հավաքականը զբաղեցրել է 5-րդ տեղը։
Քննարկեք նորությունները!
Անցնել մեկնաբանություններին ↓
Comments
0