Armenia HC-ն ջախջախեց Եգիպտոսին Dream Nations Cup-ի մեկնարկային խաղում
- Հեղինակ: Vahe Hakobyan
- Sportaran
Մոնրեալից ներկայացված Armenia HC հոկեյի ակումբը վստահ հաղթանակ տարավ Dream Nations Cup-ի առաջին խաղում, որը անցկացվում է Նյու Ջերսիում։ Հայաստանի ներկայացուցիչները 6։0 հաշվով հաղթեցին Եգիպտոսին։
Թիմի վեց գոլերը հեղինակել են տարբեր խաղացողներ՝ Միկկա Քելեճյան, Քրիս Դեդեյան, Մայքլ Գուլուզյան, Լուկաս Ֆունգ, Արդեն Մուրադյան և Նիկո Չիմինյան։ Առվեգ Հովսեփյանը գրանցեց երեք գոլային փոխանցում։
Խմբային փուլի ընթացքում Armenia HC-ն կմրցի նաև Պուերտո Ռիկոյի և First Nations-ի թիմերի հետ։
Dream Nations Cup-ը ամենամյա ընկերական հոկեյի մրցաշար է, որը անցկացվում է ԱՄՆ-ում։ Մրցաշարին մասնակցում են թիմեր, որոնք կազմված են նույն ազգային պատկանելություն ունեցող խաղացողներից․ հաճախ նրանք բնակվում են Հյուսիսային Ամերիկայում։
Հիշեցնենք, որ 2025 թվականի փետրվարին Armenia HC-ն մասնակցել էր Ձմեռային Համահայկական խաղերին, որոնք անցկացվել էին Երևանում։
Քննարկեք նորությունները!
Անցնել մեկնաբանություններին ↓
Comments
0