Արմեն Համբարձումյան․ «Ունիվերսիտատին ուժեղ թիմ է, բայց մենք պատրաստ ենք 100 տոկոսով»
- Հեղինակ: Vahe Hakobyan
- Sportaran
Երկրորդ որակավորման փուլի առաջին հանդիպումից առաջ, որում Երևանը ներկայացնող «Արարատ-Արմենիան» կընդունի ռումինական «Ունիվերսիտատեա Կլուժին», մամուլի ասուլիսով հանդես եկավ հայկական թիմի ավագ Արմեն Համբարձումյանը։
Հանդիպումը կկայանա հուլիսի 24-ին՝ Երևանում։
Արմեն Համբարձումյանի մամուլի ասուլիսից
— Յուրաքանչյուր մարզիչ ունի իր ձեռագիրը։ Այժմ մենք ինտենսիվ մարզումներ ենք անցկացնում, և ես արդեն տեսնում եմ տարբերությունը. խաղացողներն արագություն են ստացել՝ թե՛ շարժումների, թե՛ մտածողության առումով։ Վարդան Մինասյանի մոտեցումը միանգամայն այլ էր, իսկ Տուլուպայինը՝ ավելի եվրոպական՝ ուժային ու արագ, – ասաց Համբարձումյանը՝ խոսելով գլխավոր մարզիչ Տուլուպայի մասին։
Ավագը նաև դրական գնահատեց թիմի նորեկներին․
— Թիմում լավ նորեկներ կան, և ամենակարևորը՝ նրանք լավ մարդիկ են։ Արդեն մեկ ամիս է միասին աշխատում ենք, դարձել ենք ընկերներ ու լավ հասկանում ենք միմյանց։ Հույս ունեմ, որ նրանք մեզ կօգնեն կարևոր խաղերում։
Ըստ Համբարձումյանի՝ թիմը խաղին մոտեցել է լավ մարզավիճակում․
— Ամբողջ թիմը լավ ֆիզիկական վիճակում է, կարծում եմ՝ մենք պատրաստ ենք 100 տոկոսով։ Մենք լավ ենք ուսումնասիրել մրցակցին՝ ուժեղ թիմ է, բայց կարծում եմ՝ կհաղթահարենք այս փուլը։
Քննարկեք նորությունները!
Անցնել մեկնաբանություններին ↓
Comments
0