Արման Ծառուկյանը փակեց մարտական տարին և կբացի 2026-ը թոփ մրցաշարերում
- Հեղինակ: Vahe Hakobyan
- Sportaran
Արման Ծառուկյանը դարձավ տարվա ավարտի և նոր մարտական տարվա մեկնարկի առանցքային կերպարն հայկական սպորտում։ Դեկտեմբերի 30-ին UFC-ի հայ մարտիկը Երևանում հանդես եկավ Hype Fighting մրցաշարում, որտեղ գրեփլինգի մենամարտ անցկացրեց Շարաբուտդին Մագոմեդովի (Շարա Բուլետ) դեմ՝ տպավորիչ կերպով փակելով հայկական սպորտի 2025 թվականը։
Արդեն հունվարի 10-ին Ծառուկյանը կբացի 2026 թվականը՝ մասնակցելով RAF 5 մրցաշարին, որը կկայանա Սանռայզ քաղաքում (Ֆլորիդա, ԱՄՆ)։ Մենամարտերը կանցկացվեն ազատ ոճի ըմբշամարտի կանոններով, իսկ մրցաշարի քարտը հավաքել է իսկապես աստղային կազմ։
Արման Ծառուկյանի մրցակիցը կլինի 38-ամյա Լենս Փալմերը՝ նախկին PFL-ի չեմպիոնը, ով ՄՄԱ-ում ունի տպավորիչ հաշվեկշիռ՝ 23 հաղթանակ և 8 պարտություն։ Հայ մարզիկի համար սա ևս մեկ հնարավորություն է միջազգային ասպարեզում ցույց տալու իր բարձր մակարդակի ըմբշամարտը։
RAF 5 մրցաշարի ամբողջական քարտը (Սանռայզ, Ֆլորիդա)
Ազատ ոճի ըմբշամարտի մենամարտեր․
Կոլբի Քովինգթոն — Լյուք Ռոքհոլդ
Բո Նիքալ — Յոել Ռոմերո
Արման Ծառուկյան — Լենս Փալմեր
Քայլ Դեյք — Մագոմեդհաբիբ Կադիմագոմեդով
Ջորդան Օլիվեր — Ռեալ Վուդս
Զահիդ Վալենսիա — Նեյթ Ջեքսոն
Նեյթան Թոմասելլո — Օսթին ԴեՍանտո
Բո Բասեթ — Քեյդեն Հենշել
Փեթ Դաունի — Ստեֆան Բյուկենեն
Փեթ Լուգո — Ջոնի ԴիՋուլիուս
Մոստաֆա Գաբր Էլդերս — Սթիվ Մոկկո
Քիլոն Մուգզի Ջիմիսոն — Ջորջիո Պուլլաս
Նշենք, որ հայկական մարզիկները կշարունակեն իրենց ելույթները նաև հունվարի երկրորդ կեսին։ Հունվարի 16-ին Ժորա Այվազյանն ու Գեղամ Մանավազյանը կմրցեն ACA 199 մրցաշարում, որը կկայանա Կրասնոդարում։
Քննարկեք նորությունները!
Անցնել մեկնաբանություններին ↓
Comments
0