Արման Ծառուկյանը խեղդող հնարքով հաղթեց Մուհամեդ Մոկաևին HYPE Brazil-ում (ՏԵՍԱՆՅՈՒԹ)
- Հեղինակ: Vahe Hakobyan
- Sportaran
UFC-ի հայ մարտիկ Արման Ծառուկյանը անցկացրեց հերթական գրեփլինգի մենամարտը և տարավ վստահ հաղթանակ։ Ռիո դե Ժանեյրոյում անցկացված HYPE Brazil մրցաշարում Ծառուկյանը խեղդող հնարքով հաղթեց UFC-ի մեկ այլ մարտիկի՝ Մուհամեդ Մոկաևին։
Չնայած այն հանգամանքին, որ մարզիկները հանդես են գալիս տարբեր քաշային կարգերում՝ թեթև քաշային Ծառուկյանը և գերթեթև քաշային Մոկաևը, մենամարտը ստացվեց լարված և դիտարժան։ Արմանը սպասելիորեն գործեց ագրեսիվ, մշտապես հարձակվում էր և ի վերջո յոթերորդ րոպեին կարողացավ անցկացնել խեղդող հնարք։
Մենամարտը անցկացվեց submission only կանոններով և նախատեսված էր 10 րոպեի համար։
Հաղթանակից հետո Արման Ծառուկյանը ստացավ HYPE FC-ի չեմպիոնական գոտին և անմիջապես մարտահրավեր նետեց Չարլզ Օլիվեյրային, որպեսզի հաջորդ HYPE մրցաշարում Սան Պաուլոյում պաշտպանի տիտղոսը։
Հետաքրքիր է, որ նրանց մենամարտը կարող է տեղի ունենալ նաև UFC-ում՝ հնարավոր BMF գոտու համար։ Սակայն մինչ այդ երկրպագուները կարող են տեսնել նրանց դիմակայությունը գրեփլինգի ձևաչափով։
Նշենք, որ արդեն մարտի 28-ին Ֆլորիդայում Ծառուկյանը կանցկացնի ևս մեկ մենամարտ․ RAF 07 մրցաշարում նա վերստին կհանդիպի Ջորջիո Պուլլասի հետ՝ ազատ ոճի ըմբշամարտի կանոններով։
HYPE Brazil մրցաշարի բոլոր արդյունքները
ՏԵՍԱՆՅՈՒԹ
Քննարկեք նորությունները!
Անցնել մեկնաբանություններին ↓
Comments
0